Дали знаевте дека азиските жени немаат проблем со целулитот? Азискиот режим на исхрана е богат со здрави состојки, а на неговото мени покрај оризот се наоѓаат и главните борци против килограмите: овошјето и зеленчукот.
Тајната лежи во јадење на вистинската храна и кај овој режим на исхрана не е важно колку јадете туку што ќе јадете на дневна, неделна и месечна база. Оваа диета е многу здрава и ако сте дисциплинирани, можете да очекувате неверојатни резултати.
СЕКОЈДНЕВНА ИСХРАНА
Оризот се наоѓа на секојдневното мени на исхрана. Ако сепак сакате некогаш да го замените со нешто друго, тоа може да бидат интегрални тестенини, интегрален леб или пченка (во мала количина). На секојдневното мени се наоѓа и разновиден зеленчук и тоа во големи количини. Акцент се става на моркови, зелка, спанаќ, кељ, блитва, кромид и лук. Преферирајте да ги јадете свежи како салата, со малку оцет и масло, иако може да ги консумирате и варени. Разновидноовошје исто така може да јадете во големи количини. Сојата и оревите се многу корисни, па и нив може да ги јадете секој ден. Истото важи и за риба и млечни производи.
ЕДНАШ НЕДЕЛНО
Ако ви се пријаде нешто благичко, еднаш неделно можете да си дозволите ред темно чоколадо (со 75% какао). Исто така, еднаш неделно може да јадете живинско месо и јајца. Можете да си подготвите пилешко или мисиркино месо, во комбинација со зелечнук и ориз.
ЕДНАШ МЕСЕЧНО
Црвеното месо многу ретко се консумира во азиската исхрана. Телешко, говедско, свинско месо може да си дозволите еднаш во месецот.
Овој начин на исхрана е разновиден и здрав, а и никогаш нема да сте гладни. Режимот ги ограничува мастите и речиси целосно ги елиминира штетните заситени масти, кои заедно со шеќерите се главната причина за зголемување на телесната тежина и појава на целулит.
Станете наш facebook фан. Ви Благодариме!