Дали го носите вистинскиот градник?

Стручњаците тврдат дека 80% од жените носат погрешен број и облик на градник. Советите кои следат ќе ви помогнат да направите правилен избор на овој дел од облеката со што ќе ги избегнете проблемите со опуштање на тонусот на градите или болките во рамениците.

Можеби градникот ви е преголем?
Доколку корпата од градникот штрчи од страните тогаш дефинитивно градникот кој сте го избрале е преголем. Во корпите не смее да има празен простор, тие мора да бидат прилепени за градите. Колку повеќе се прилепени за градите толку подобро за вас.
Направете мини тест: ставете прст на работ на градникот, таму не смее да има место за повеќе од еден прст. Исто така, доколку при подигнување на рацете се подигнува и градникот тоа значи дека е преголем за вас.

Дали вашиот градник е премал?
Градникот треба да биде припиен за вашите гради и тело, но не премногу. Доколку приметите стегање или прежилување градникот е премал за вашите гради. Во тој случај побарајте градник со поголеми корпи, но не и со поголем заден дел и ластици.

Внимавајте и на овие аспекти:
– Салото на грбот се јавува како последица на зголемената телесна тежина, или пак поради стареењето со што се губи еластичноста на кожата. За да избегнете голем број на набори на грбот, одберете градник кој е поголем и поширок во пределот на плеќите и самиот грб. Препорачливо е да носите полутесна поткошула.
– Стриите на градите се резултат на грешки од минатото – сте носеле погрешен број на градник, особено во периодот на раст и развој. Тие настануваат поради отсуство на потребната потпора на градите.
– Ако прерамките ви се забиваат во рамениците тоа значи дека потпората на задниот дел од градник не е доволно добра. Само 10% од тежината на градите треба да отпаѓа на терет на рамениците. Мал тест: облечете го градникот, застанете исправено и симнете ги прерамките. Доколку сè остане на свое место значи дека сте направиле правилен избор и го имате вистинскиот градник за вас.

Станете наш facebook фан. Ви Благодариме!