ИЗБЕГНУВАЈТЕ НАНЕСУВАЊЕ БАЗА ПРЕД ЛАК ЗА НОКТИ
Базата, која се нанесува пред да се нанесе саканата боја на лак за нокти, всушност е бескорисна. Освен што е преполна со хемикалии, како на пример формалдехид, кој навлегува директно во ноктот (односно во кожата), базата воопшто нема да го задржи вториот слој на лак. Наместо тоа, натопете го памукот во алкохол и избришете ги ноктите. Потоа избришете ги ноктите со сув памук. На тој начин ќе ја отстраните маснотијата и нечистотијата.
ИЗБЕРЕТЕ УБАВА ТУРПИЈА ЗА НОКТИ
Жените најчесто користат погрешна турпија за нокти, односно премногу груба турпија која може да ги оштети ноктите. Користете понежна и помека турпија која нема да предизвика лупење или напукнување на ноктите.
ТРЕТМАН НА КУТИКУЛИТЕ И НОКТИТЕ
Ако кожата околу ноктите е сува и тврда, тоа значи дека лесно може да дојде до пукање на ноктот, живецот и кутикулите. Затоа третирајте ги ноктите и кутикулите со маслиново масло, кое треба убаво да се втрие во кожата.
ПРАВИЛНО НАНЕСУВАЊЕ ЛАК
Обично го вадите апликаторот, едната страна ја стискате на работ на шишенцето и започнувате да се лакирате. Но, тоа е погрешно, бидејќи на овој начин може да останат грутки или премногу лак на апликаторот. Затоа, кога ќе го извадите апликаторот од шишенцето, истискајте го од сите страни, додека не добие сплоснат изглед. Потоа, нанесете го лакот на нокти во три потези: од левата страна, десната страна, па во средина.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!