За почеток подгответе купка
Потребна ќе ви биде купка со нежен мирис, лосион за масажа на стапалата и сет за педикир. Подгответе сад со топла вода, ставете малку од купката и етерично масло од лаванда. Тоа ќе ја омекне тврдата кожа на петите и ќе ги опушти вашите стапала. Оваа постапка нека трае десетина минути.
Направете пилинг
Откако ќе омекнат стапалата, нанесете пилинг. Тој помага во отстранување на тврдата кожа. Оваа постапка треба да ја повторувате најмалку три пати неделно за да успеете да ја омекнете кожата.
Избришете ги нозете и подгответе го сетот
Дури тогаш стапалата се подготвени за конкретна интервенција. Избришете ги нозете со крпа, почекајте пет минути да одморат и потоа со апликатор отстранувајте го делот од кожата кој се лупи. Бидете внимателни и не одете предлабоко, како би избегнале оштетување на нервите. Додека нозете се меки, можете и да ги отстраните кутикулите на ноктите.
Масажа на стапала
Колку и да ви изгледа излишна, не ја избегнувајте масажата на стапалата. Таа ја стимулира циркулацијата, ги опушта мускулите и ја ублажува болката. Користете мелем од нане, што дополнително ќе ја стимулира циркулацијата, а стапалата ќе останат свежи подолго време. Масажата започнете ја од петите и полека со кружни движења продолжете кој прстите.
Полирање
Со турпија за стапала поминете ги стапалата од грубата страна на турпијата. За да се избегне пожолтување на ноктите втријте бадемово или маслиново масло.
Лакирање на ноктите
Најпрво нанесете еден слој од лак за заштита. На тој начин, лакот во боја кој ќе го нанесете по него, ќе остане стабилен и до една недела.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!