ТЕ САКАМЕ ЗАСЕКОГАШ!!!

Да, тоа беше човекот кој пребрзо не напушти… Милион солзи, милион проколнувања, милион тажни лица… Заради него, сите барем еднаш се запрашавме зошто животот е толку суров? Зошто животот секогаш ни ги зема оние кои најмалку заслужиле, и оние кои ни се најпотребни? Но, ние не го ценевме него, се додека не го изгубивме… Зошто? Треба ли да загубиме нешто или некој, за да сфатиме всушност колку ни значело тоа? Да!! Такви сме ние луѓето, секогаш ги сфаќаме работите кога е премногу доцна.

Тој не научи да се насмевнуваме и тогаш кога ни е најтешко… Тој не научи да бидеме среќни и задоволни од тоа какви сме, дека сме луѓе без ниеден недостаток. Не научи да се сакаме и почитуваме, без да ги земаме во обзир разликите кои постојат и секогаш ќе постојат. Не научи да помагаме на оние кои им е најпотребно… Кога ја слушавме неговата музика, едноставно ни ги смируваше душата и телото…

Тој не беше виновен за ништо… Беше нашиот ангел на земјата. Ширеше љубов, радост, хуманост, спокојност, каде и да одеше.

Тогаш, Господе, зошто баш тој?! Зошто ни го зема тогаш кога беше најпотребен?
Сите ние знаеме дека беше ангел пратен на земјата, за да не научи на вистинските вредности на животот… Да, тоа беше нашиот Тоше…

Сега сме ние на ред, да покажеме што се научивме од него… И сигурна сум, дека таму горе некаде, тој не гледа, и не чува… ТЕ САКАМЕ ЗАСЕКОГАШ!!!

Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “ТЕ САКАМЕ ЗАСЕКОГАШ!!!” : Мартина Темелковска

Станете наш facebook фан.