Да, тоа е таа. Мојата најдобра другарка. Гледајќи ја оддалеку некој ќе рече: “Па што има толку посебно во неа, иста е како сите други девојки!“. Но, ако ја запознае подобро ќе ја примети светлината на нејзината душа и добрината која живее во нејзиното срце. Таа е посебна за мене, единствена. Таа е тука кога сум тажна, кога сум среќна. Дури и кога сум тврдоглава и лута на целиот свет, таа пак е покрај мене. Доволно ми е само да ја погледнам и веќе знам што мисли и што сака да ми каже. Кога сите ќе ми го свртат грбот и кога ќе потклекнам пред животот таа е тука да ме подигне и да ми ги покаже убавите работи што ме опкружуваат, а јас не сум ги ни приметила. Taa е совршено совршена. Барем за мене е таква. Но, јас направив една дупка во нашето пријателство. Дупка која многу тешко се пополнува. Поради заслепеноста на љубовта јас го отргнав единствениот бисер во мојот живот, иако беше само на момент. Ах, камо среќа тиe зборови никогаш да не ги изговорев. Не бев свесна што губам во животот. Но, за жал времето не се враќа. А, таа пак е толку совршена што не ми се ни налути. Дури и ме разбираше. Не кажа ниту еден збор и пак беше тука до мене кога најтешкото ме стигна. Ниту еден лош збор за мене, ниту една поплака, се направи како ништо да не се случило. Зарем не е совршена? Но, знам дека тие остри зборови оставиjа една празнина во нејзиното срце. Празнина која се трудам секој ден да ја пополнам, бидејќи таа тоа го заслужува. Таа заслужува многу повеќе што и целото мое внимание не е доволно. Сите се луѓе ама ретко кој е човек. А таа е од оние ретките што немаат ни најмало зло во нивното срце. Да, јас ја имам таа среќа да имам еден таков човек покрај мене во кој можеш да бидеш сигурен дека никогаш нема да те повреди. Понекогаш правиме грешки кои оставаат големи последици во нашиот живот. Кога ќе изговориш некои лоши зборови несвесно ги повредуваш другите. Тоа е исто како да забиваш нож во некого, а потоа го вадиш надвор. Без разлика колку пати ќе кажеме “Извини”, раната сеуште е таму. Вистинските пријатели се многу ретки и внимавајте да не ги изгубите. Биди сигурен дека ако го имаш вистинскиот пријател до тебе ти си најбогатиот човек на светот. Чувајте го пријателството бидејќи тоа е нашиот лек на раната.
Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “Совршено совршена“: Драгана Цекова
Станете наш facebook фан.
Станете наш facebook фан. Ви Благодариме!