Сè помалку клетви зад ѕидот

Сенките ја бојат тишината во аглите на собата,
вратите одамна не лупаат зад неспокојот
залепен за петиците качувајќи се по лифтот.

Судбината се вгнездила итро во секое отклучување,
пречекот ја сменил симфонијата во реквием испишан
со нотите на ментешињата.

Сликите се претвориле во овенати икони
чии што фрески стрчат од сандачињата на спратот
со кодирани молитви испишани врз нивните ореоли.

Кој ли тоа ја налутил мајката на незаборавот уште еднаш
да ги преброи дивите ангели зошто јаваат на уморни коњи.

Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “Сè помалку клетви зад ѕидот“: Марио Јагоски

Станете наш facebook фан.