Има моменти кога сакаш да плачеш, а немаш глас. Oчите те печат, а солзи нема да потечат… Посакувам оваа мала соба да биде голема пустина ко што е мојата душа за да можам да вриснам да излезе немирот кој ме тревожи и не ми дава мира и оваа вечер. Посакувам, а немам. Посакувам да си тука до мене, да можам бар уште еднаш да ги вкусам твоите усни барем уште една вечер да заспијам во твојата прегратка. Но, по сè изгледа дека моите желби се толку далечни и не ми останува ништо повеќе отколку оваа влажна перница и свеќата која догорува и го жари пламенот во мене. Толку си далечен, а всушност толку близу, толку многу нешта стојат помеѓу нас, а сепак ништо не успеа да го пресуши морето во кое што плови нашата љубов. Помина уште еден ден и еве уште една ноќ, бегам од времето кога се разделивме кога поверувавме дека не сме еден за друг, а во истиот миг се покајавме, сеуште се чудам на кукавичноста, колку суров момент, колку длабока филозофија беше сето тоа за двајца што само се сакаат. Но, никогаш не заборавајте љубовта не е доволна за двајца да останат заедно… всушност тие засекогаш ќе останат заедно во душите дури и кога ќе заспиваат на туѓи перници. Тоа се моментите кога низ светот свој со црн воз патуваат, тоа се ноќите кои толку бавно минуваат и свеќите кои толку многу тревожат, нивните искри ве растреперуваат, а пламенот го оставате да гори и да ја докрајчи онаа мала ведрина во вас. Таква е и оваа ноќ… долга, молчалива, немилосрдна и толку себична. И оваа вечер ја гледам ѕвездата која сјае за нас. По којзнае кој пат ја прашувам те гледа ли тебе, дали тие убави очи сонуваат за нас, дали тој наш сон ќе стане конечно реалност,… или пак, никогаш да не се разбудам и тој сон вечно да трае?
Откако сум без тебе секое утро ја уништува таа моја идила, секое утро сфаќам дека е казна што се будам без тебе! И го плаќам данокот на сопствената грешка.
Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “И оваа ноќ е толку долга…“: Љ.К.
Станете наш facebook фан.
Станете наш facebook фан. Ви Благодариме!