Веќе знаете да се однесувате кон другите на начин на кој сакате тие да се однесуваат кон вас. Но, дали вие самите се однесувате така? Сожалувањето и љубезноста кон вас самите се клучни за вашата ментална состојба и задоволството од животот.
Според авторката на книгата “Самосожалување: Престанете да се тепате себеси и оставете ја несигурноста позади вас”, Кристин Неф, самосожалувањето е многу поважно од самодовербата. Нејзиното објаснување е тоа дека самодовербата зависи од чувствата на супериорност или достигнувањата, додека самосожалувањето не зависи. Кога се споредувате со другите и се наоѓате на позиција над нив, вашата самодоверба се зголемува. Проблемот настанува кога нема да успеете или ќе бидете просечни, па тогаш и самодовербата ќе се намали. Самосожалувањето не зависи од некое посебно чувство – туку од способноста да се однесувате кон вас како кон едно човечко суштество на кое му е потребна љубов и грижа. Сè што треба е да почнете да се однесувате како сам свој најдобар пријател.
Овде можете да го слушнете звукот на вашиот критичар, дека сте мрзеливи, недисциплинирани итн. Но, грешите ако мислете дека овој глас го кажува само најдоброто. “Ние сме учени дека треба да сме груби кон самите себе, со цел да добиеме појасна слика за нас, но вистината е сосема спротивна. Кога се напаѓаме, потешко успеваме да се избориме. Кога ќе се осигураме дека неуспехот не е крај на светот и дека ние нема да бидеме сами доколку не успееме, дури тогаш можеме да се обидеме да дадеме сè од себе за да успееме. Луѓето кои повеќе се самосожалуваат, во поголема мера се мотивирани и подобро го совладуваат неуспехот.” – пишува Неф во нејзината книга. Прочитајте ги следните совети од неа и направете нешто добро за вас.
Почувствувајте го лошото кога мислите дека е потребно
Самосожалувањето значи да ги препознаете негативните емоции, колку и да се лоши. Сепак вие сте само луѓе, а тоа значи дека чувствувате. Ако сакате да плачете, плачете на цел глас. Откако ќе го поминете ова чувство верувајте дека ќе се чувствувате подобро.
Кажете му на внатрешниот глас да престане со критики
Сигурно нема да му ги кажете критиките на пријателот, кои си ги кажувате вие самите. Како на пример: не биди дете, секогаш зезнуваш сè, судбина ти е да си неуспешен…
Но, зошто мора да ги зборувате тие зборови? Тие ништо не помагаат. Следен пат, обидете се да го игнорирате тој внатрешен глас и продолжете.
Напишете си писмо
Едно неодамнешно истражување на Универзитетот Јорк покажа дека ако си пишувате писмо секој ден во седмицата, ќе бидете среќни околу шест месеци. Што ќе си кажете самите на себе во одредена ситуација? Употребувајте љубезни, сочувствителни зборови кои би ги упатиле кон некоја блиска личност. Можете да го читате писмото од време на време кога ќе почувствувате дека повторно ве надвладуваат истите емоции.
Имајте свои моменти
Со неуспехот не треба да се казнувате самите себе. Пробајте го спротивното. Доколку нешто не ви успее, тогаш обидете се да имате свој момент кој ќе знаете како да го искоритите. Можеби ќе лежите во када и ќе се релаксирате? На овој начин, побрзо ќе заборавете на неуспехот и побрзо ќе соберете сила за да започнете повторно, или пак да продолжете понатаму.
Измислете само-утешителен гест
Секое човечко суштество реагира на нежен допир. Измислете некој физички гест со кој ќе си изразите грижа, сочуство и смирување. Тоа може да биде да ја ставете раката на срцето, да си ги масирате зглобовите на раката или да тапкате со ногата според некој ритам. Откако ќе го измислите овој гест, правете го во стресни ситуации со цел да го намалите стресот. Штом телото се смири, умот ќе почне самиот да се смирува.
Автор: IVY
iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.
Станете наш facebook фан.
Станете наш facebook фан. Ви Благодариме!