Секогаш ми се случува да го изгубам она што веќе го имам, со сета сила да се борам за она што не сум сигурна, а можеби и знам дека нема да можам да го добијам. Моето мислење се менува од минута во минута, понекогаш заради мојата несигурност, заради тоа што ми го зборуваат другите или пак заради желбата за ризик. Дури и најубавите моменти можат за секунда да ми станат најлоши, за кои несакам да се дел од мојот живот… Многу од луѓето мислат дека сум една од најсреќните личности на овој свет. Зошто..? Бидејќи секогаш кога ќе ме видат сум насмеана? Но тие не се свесни што се крие зад таа насмевка, дека секоја вечер лежам на перница мокра од солзи, дека секоја вечер мечтаам за нешто што неможам да го добијам, за лошите постапки кои ги правам, за работите кои ми биле пред нос, а јас не сум ги забележала, за помислата дека сите нешто прават во животот, а само јас си тапкам во место… Но, сепак во мене постои голема надеж дека ова еден ден ќе се промени, дека мислењето дека сум најсреќна личност ќе стане реалност!
Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “Надеж“: Сара Масторидис
Станете наш facebook фан.
Станете наш facebook фан. Ви Благодариме!