:летни навики. чадор без сенка.

.топи ги деновите
кои се
како сладолед кој создава
чоколадни
овошни
водопади
по рачињата на децата

-лижнувај ги бактериите
и во нив има
убаво
не само со пријатели
животот е полн
запознај ги непријателите
наздрави со нив
за новите
борби

!бори се со денот
како во детска игра,

сеедно е дали
стапчето
од сладоледот
ќе се скрши во
твоја полза
или
денот ќе натегне на
десната
страна

:нека грбот ти го штити
сонцето
тоа е љубов која секогаш
изгрева
..
во залезот се кријат
нови спомени

откриј го
патот
во кој чекорите
носат стари релјефи
и избледени радости

трагај,
си оставил трага во времето.

Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “:летни навики. чадор без сенка.“: м.г. ака kihuПотру

Станете наш facebook фан.