Какво е тоа чувство ЉУБОВ?

Не дека станува збор за нешто големо, туку ние му придаваме толку голема важност… затвори ги очите пред она што навистина не е вредно за тебе, а не во краен случај да му посветуваш цел тажен период од твојот живот. Хах… ова не е од моето срце, ова е како би рекле другите.

Не е сè толку едноставно кога станува збор за тебе, порано или подоцна ќе подклекнеш на “повредите” кои се повеќе и од очигледни, и сета радост, среќа, светлина ќе паднат во вода. Наше е само дали ќе продолжиме да живееме соочувајќи се со новонастанатата (не по наша волја) ситуација, или ќе се прилагодуваме на неа, која крајниот резултат е повеќе од очигледен во тој случај, тагата!

Некои сметаат дека љубовта е совршенство, и сите тежнеат да го осетат нејзиното чувство, меѓутоа не обрнувајќи внимание дека секој прави грешки во сè, па и во заљубувањето.

Никогаш ама баш никогаш не вложувај ја сета љубов што ја имаш во една личност, колку и да мислиш дека таа е “вистинската”, бидејќи доколку тоа не е така, на крајот и ќе бидеш повреден, и во блиско време не ќе имаш љубов за да ја даруваш на некој друг. Не дозволувајте љубовта да ви ги заслепи очите, а доколку го стори тоа, не губете надеж, бидејќи и слепиот некогаш прогледува.

Едно е сигурно, доколку љубовта психички не ја разгоруваме, таа побрзо ќе згасне. Затоа главата горе, бидејќи убедена сум дека сè ова е само дел од еден непосакуван сон…

Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “Какво е тоа чувство ЉУБОВ?“: Бојана Стојаноска

Станете наш facebook фан.