Каде спијат децата од светот

Интересна серија на фотографии, односно компилација на која се прикажани деца од различни делови од светот, и условите во кои тие живеат. Огромен контраст помеѓу децата кои имаат скоро се и оние кои имаат скоро ништо. Условите кои им се наметнати на некои деца уште од нивното раѓање ги ограничуваат и во планирањето на својата иднина. Од фотографиите се гледа колку треба да го цениме она што го имаме, и секако, да се најдат начини како би им се помогнало на овие кутри деца. Во прилог Ви ги прикажуваме фотографиите и кратки стории за нивниот живот.

Ламин има 12 години и живее во Сенегал. Тој учи во училиште кое е само за момчиња, и ја дели собата уште со неколку негови врсници. Креветите се најосновни, а некои од нив наместо ногарки, имаат цигли. Секое утро во 6 часот на училишната фарма тие учат како да копаат, да жнеат и да сеат, а попладне учат делови од Коранот. Во слободно време, сака да игра фудбал со своите другари.

Цвика има девет години и живее во израелска заедница во West Bank. Телевизијата и весниците таму се забранети, а тој својата соба ја дели со својата сестра и двајца браќа. Спортот исто така исфрлен од наставата. Тој секој ден оди во библиотека и таму ги чита религиозни списи, и сака да игра религиозни игри на компјутерот. Кога ќе порасне, сака да биде рабин.

Џејми има девет години, и живее во луксузен апартман на Петта Авенија, Њујорк со родителите, и неговите брат и сестра. Тој оди во престижно училиште, а во слободното време посетува часови по џудо и пливање. Кога ќе порасне сака да биде адвокат како неговиот татко.

Индира е седумгодишно девојче кое живее со родителите, братот и сестрата во Непал. Нивната куќа е само една соба, со само еден кревет. Таа уште од 3 години работи во локалниот рудник, поради тоа што се многу сиромашни. Работи по 6 часа дневно, а после тоа и помага на својата мајка. Кога ќе порасне сака да биде танчерка.

Кала има четири години и живее со родителите во мал стан близу Токио. Нејзината соба од под до плафон е со алишта и играчки, а нејзините фустани ги изработува мајка и. Таа има 30 фустани, и 30 пара чевли.  Сака да биде аниматор и да црта цртани филмови.

Духа има 10 години, и живее со своите родители и 11 роднини во палестински камп во West Bank. Таа ја дели собата со своите 5 сестри. Нејзиниот брат извршил самоубиствен напад над Израелците, со што убил 23 цивили. После тоа, израелската армија ја уништила нивната куќа.

Џасмин (Џези) има 4 години, и живее во голема куќа во Кентаки, САД. Нејзината соба е исполнета со круни и признанија кои таа ги има добиено на натпреварите за убавина. Кога ќе порасне, таа сака да биде рок-ѕвезда.

Единствениот дом кој го има ова дете и неговата фамилија е овој душек. Тие се наоѓаат во околината на Рим. Тие дошле од Романија со автобус, а за картите морале да просат. Тие не можат да се вработат , поради тоа што немаат лична документација. Никој од нивната фамилија никогаш не одел на училиште.

Роути има осум години и живее во Камбодија. Неговиот дом лежи на ѓубриште, а неговиот душек е направен од стари автомобилски гуми. Тој и уште стотици други деца на негова возраст стануваат секој ден во 6 часот, и одат на капење во едно прифатилиште, пред да отидат на работа за собирање на стари конзерви и шишиња, кои потоа ги откупува поголема компанија. Појадокот понекогаш му е и единствениот оброк во денот.

Таис е 11 годишно девојче од Рио де Жанеиро, Бразил и таа живее во стан со своите родители, и со сестрата со која ја дели собата. Соседството во кое живеат порано било дувло на банди и дилери на дрога, но од 2002 па наваму, има огромни подобрувања. Таа во иднина сака да биде модел.

Нантио е 15 годишна девојка од племето Рендил од северна Кенија. Таа има две сестри и два браќа, и живеат во куќа која наликува на шатор. Таа неколку години одела на училиште во најблиското село, но одлучила да не продолжи. Нејзините секојдневни обврски се чување на козите, сечење на дрва за огрев, собирање вода, и слично. Таа се надева дека некој храбар воин од племето ќе ја избере за жена.

Кликнете ТУКА за да ги погледнете нашите денешни содржини.

Facebook FAN page