Цел живот бегам. Ете. Цел живот. Е од што де? Од што, ќе прашаш. Ама јас пак цел живот бегам.Те од љубов, те од него, те од самата себе. Е како де од него? Не е он повеќе тука, ама пак е тука. Цел живот е тука. Живее во мене постојано. Од денот кога него повеќе го немаше. Ете од тогаш сум го затворила срцето. И не можам да го отворам. Ме сфакаш, нели? Секоја вечер се создава невреме во срцето, и тогаш… тогаш почнува да врне дожд, а со него и громови силно удираат по мојата душа. Не, чекај ти погрешно ме разбра. Не ласкај си, не си ти тој поради кој леам солзи секоја вечер. Поминувам покрај тебе како странец, без да се свртам, без да ми заплаче срцето. Ти го имаш само неговото тело, но јас бев заљубена во неговата душа. Душа која веќе одамна е мртва. Таа вечер кога умре и небото пушти една горка солза, заедно со мене. Солза за најубавото, најсаканото, најверното. Но, не си замина таа сама. Таа со себе го понесе и највредното нешто во мојот живот, моето срце. Таму некаде, над небото, во бесконечноста. Никогаш повеќе да не засака, никому повеќе да не пружи љубов. И да сакам не можам, целата тебе ти ја дадов. Не, не се каам поради тоа бидејќи само ти ме знаеше најдобро и секогаш знаеше што ми е потребно да бидам среќна. Едноставно беше создаден за мене, совршен. Го полнеше со љубов моето срце секој ден се повеќе и повеќе. А тоа пак, ненаситно, секој ден бараше од чудесната напивка која го одржуваше во живот. Но, пресуши изворот на напивката, ја нема веќе. Нема никогаш повеќе да ја има. Сега ќе има само една празно срце во мојата душа кое секогаш ќе жали по тебе. Ќе жали по човекот со изгубената душа.
Веќе сè поминуваше, дури и нашите патеки кои секогаш беа вкрстени, сега се разделија. А кога се одалечуваш од некого најтешко е што не знаеш дали му недостигаш или веќе те заборавил. Јас знам. Ти можеби мене ќе ме заборавиш некогаш. Но, нашата приказна никогаш!
Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “Човекот со изгубената душа“: Драгана Цекова
Станете наш facebook фан.
Станете наш facebook фан. Ви Благодариме!