Заљубеноста е многу моќна емоција. Таа може да го попречи разумното расудување и да ве натера да избрзате со заклучоците. За совршена врска се потребни две индивидуи, кои не значи дека треба да бидат совршени како индивидуи, туку треба да бидат совршени еден за друг.
Ве привлекува
Ако девојката не ве привлекува, нема да постои хемија помеѓу вас. Мажите не се заљубуваат постепено. Нив љубовта ги погодува многу брзо. Ако постојано кога ќе ја видите буквално не можете да го тргнете погледот од неа, несомнено е дека ве привлекува.
Не сакате да ја промените
Една од најголемите грешки која луѓето ја прават на почетокот на љубовната врска е што се надеваат дека разликите кои постојат помеѓу нив ќе се надминат. Љубовта може да ви помогне да се промените, но само малку. Ако некој ве праша дали таа девојка е вистинската за вас, а вие одговорите „Ја сакам, но кога би…“, тогаш нешто не е во ред, особено ако тоа го кажете на почетокот на вашата врска. Ако сакате да бидете среќни и да имате успешна врска, тогаш не треба ништо да менувате кај неа, туку треба да ја сакате таква каква што е.
Ви се допаѓа како личност
Девојката која ви се допаѓа, не мора да биде како вас. Таа може да ви се допаѓа како изгледа, но ако сакате посериозна врска со неа, мора да ви се допаѓа и нејзината личност.
Покажува дека ѝ значите
Мажите обожаваат секс божици, но се заљубуваат во грижливи девојки кои знаат да сакаат. Тоа се случува инстинктивно, бидејќи потсвесно бараат мајка за своите идни деца. Обрнете внимание дали таа е во состојба да ве третира како дете, во случај кога вие се однесувате така.
Вашето семејство и вашите пријатели ја сакаат
Кога една љубовна двојка сака да ги продлабочи своите односи, нормално е да ги вклучат мислењата на своите пријатели и своите семејства. Прашајте ги што мислат тие за девојката што ја љубите. Ако и тие ја сакаат, тогаш несомнено е дека сте направиле одличен избор.
Поседува квалитети на кои им се восхитувате
Ако девојката поседува квалитети на кои им се восхитувате, тогаш ќе ја цените и ќе ја сакате многу повеќе. Ако не ја цените девојката со која се забавувате, никогаш нема да мислите дека е достојна за вашата љубов.
Ја гледате како важен дел од вашиот живот
Ако си замислувате заеднички живот со неа и правите промени во својот дом поради неа, сигурно мислите дека таа е вистинската. А ако такво нешто не ви паѓа на памет, веројатно е само една во низата.
Таа е вашата подрршка и вашата сила
Ако таа е првата личност на која сакате да ѝ се јавите кога имате важни новости, таа е вистинската. Таа треба да ве развесели кога сте нерасположени. Кога правите планови таа треба внимателно да ве слуша и да ви помага.
Лесно е да најдете девојка со која ќе одите на вечера или на одмор, но тешко е да се најде онаа која со вас ќе ги дели вашите соништа, среќа и тага.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!