Ја барате фонтаната на младоста? Верувајте, не ви е потребна. iLike.mk ви ги открива тајните на понежниот пол и ви дава совети за разубавување кои вешто им пркосат на годините.
1. БИДЕТЕ СРЕЌНИ
Радоста има волшебна моќ да ве направи да изгледате помлади. Бидете среќни и задоволни со вашите постигнувања. Уживајте во секој ден, било да е добар или лош, бидејќи утрешниот ќе биде уште подобар.
2. ОЧИТЕ СЕ ОГЛАДАЛО НА ДУШАТА
Заштитете си ги очите. Користете добри креми за околу очи, бидејќи таа област е покриена со најтенок слој на кожа, но и место кое прво ги покажува знаците на стареење. Земете крема богата со цинк оксид или крема базирана на титаниум која овозможува штитење од сончевите зраци без хемикалии.
3. ДЕЦАТА СЕ ИДНИНАТА
Изразете ја вашата детска страна. Понекогаш размислувајте како дете, гледајте ги работите површно без понатамошни анализирања. Едноставно, одморете го умот од секојневните проблеми.
4. ДРУЖЕТЕ СЕ
Опкружете се со луѓе во чие друштво се чувствувате пријатно. Разговарајте за убави теми и уживајте.
5. ВЕЖБАЈТЕ
Истражувачите докажаа дека вежбањето ве одржува помлади. Вежбајте барем три пати неделно и сакајте го вашето тело.
6. СОВРШЕН ТЕН
И во зима и во лето, користете крема за сончање и никогаш не одете на солариум. Витаминот Д нека стигне по природен пат до вашата кожа.
7. ОБНОВЕТЕ ЈА КОЖАТА НА ВАШЕТО ЛИЦЕ
Исцедете две големи лажици лимон и намачкајте го лицето. Оставете да отстои 10 минути и потоа измијте се со млака вода (внимавајте на областа околу очите!). Лимонот ги отстранува мртвите клетки и им дозволува на новите да се размножат, а со тоа вашето лице станува помеко.
8. ДАЈТЕ И ВЛАЖНОСТ НА КОСАТА
Со текот на стареење, вашата коса го губи сјајот. Барем еднаш неделно ставајте маслиново масло на вашата коса. Тоа ќе и го даде потребниот сјај, но и влажност на косата и ќе ја заштити од штетните сончеви зраци.
9. УБАВА НАСМЕВКА
Одржувајте ја хигиената во вашата уста. Мијте ги забите секое утро и секоја ноќ. Еднаш месечно полирајте ги забите и смејте се постојано.
10. СРЕДЕТЕ ГИ ВЕЃИТЕ>
Формата на веѓите е многу важна за вашиот изглед. Сигурно до сега сте ја пронашле вистинската форма, но трудете се истата да ја одржувате. Пополнете ги местата кои веќе се изретчени со моливче во иста боја како веѓите и со тоа ќе постигнете помладешки изглед.
11. ЧАША ЦРВЕНО ВИНО
Една чаша вино на ден штити од пребрзо стареење, но и од срцеви болести. Консумирајте го со вашите најблиски.
12. ОБОЈТЕ ГО СИВИЛОТО
Стресниот живот и депресијата значително влијаат на стареењето и го забрзуваат процесот. Стресните ситуации се одликуваат со срцевата тахикардија, потење на дланките пред јавен говор, намален имунитет, зголемена телесна тежина, косопад и срцев удар. Затоа, немојте секојдневно да се борите со стресот. Подобро бидете опколени со мали и среќни работи, отколку со стрес. Практикувајте нешта кои ве прават среќни и задовлони.
13. ВОЗДИВНЕТЕ
Кога сте под силен стрес и се чувстувате напнато, вдишете и издишете длабоко и бавно десет пати. Со оваа техника ќе го намалете стресот и ќе бидете посмирени.
14. РЕДОВЕН СЕКС
Вашиот изглед и вашето однесување се резултат на вашиот сексуален живот, затоа практикувајте секс почесто.
15. СТОП ЗА ПУШАЧИТЕ
Доколку сте активен пушач, дефинитивно побрзо ќе стареете во споредба со непушачите. Намалете ги цигарите уште денес! Пасивните пушачи кои често се опкружени со активни пушачи може исто така да имаат последици од чадот што го вдишуваат.
16. ЗАБАВУВАЈТЕ СЕ
Викнете го друштвото во вашиот дом и гледајте филм кој добро ќе ве насмее. Излезете на прошетка во парк. Отидете на вечера во ресторан или танцувајте во дискотека. Едноставно забавувајте се на свој начин.
17. ПИЈТЕ ВОДА
Сите ги знаеме благодетите од водата. Пијте ја секојдневно и тоа по два литри.
18. ВЕРУВАЈТЕ
Годините се само обични броеви. Луѓето кои не се заглавени во годините и не се оптоварени со однесувањето, всушност изгледаат помладо од луѓето кои мислат дека треба да го намалат темпото по одреден број на дувнати свеќички. Работете го она што го сакате и немојте да дозволите годините да ве запрат. Верувајте во себе!
Автор: Ивана Витановска
Станете наш facebook фан. Ви Благодариме!