Зошто жените изневеруваат?

Иако мажите повеќе изневеруваат од жените, сепак жените почнуваат сè повеќе да ги практикуваат таквите авантури. За разлика од мажите, жените се подготвени да изневерат само кога нешто недостига во нивниот љубовен живот. За да ја спречите прељубата и можеби и крајот на врската дознајте ги најчестите причини поради кои жените изневеруваат.

НЕДОСТИГ НА ВНИМАНИЕ
Веројатно ова е најчестата причина за женската прељуба. Ако жената почувствува дека нејзиниот партнер не ѝ посветува внимание како порано, може да се случи да ѝ одговараат убавите зборови или гестови на друг маж. Ваквата ситуација може да се спречи на многу едноставен начин. Многу е важно секојдневно да ѝ обрнувате внимание на личноста која ја сакате. Освен тоа, подарете ѝ убави зборови кои ќе придонесат да се чувствува сакана.

НЕДОСТАТОК НА КОМУНИКАЦИЈА
За жените комуникацијата е многу важна и врз основа на неа може да одредат дали нивната врска е стабилна или не. Ако почувствува дека нејзиниот партнер ја игнорира и не чувствува потреба со неа да ги подели своите искуства, ставови и новонастанати ситуации, таа свесно или несвесно ќе почне да ја бара оваа особина на некое друго место. Најмалку што можете да направите е да ја прашате како го поминала својот работен ден и да ѝ раскажете како поминал вашиот.

„ЗАПУШТЕН“ МАЖ
Без разлика на годините кои ги поминале со својот партнер, физичката привлечност сеуште игра голема улога, а хигиената сеуште е на прво место. За жените нема полошо од смрдливи чорапи. Жените сакаат нивниот сакан да се дотера, намириса и да облече убава облека.

СЕКСУАЛЕН ЖИВОТ
Можеби не е најчеста причина за прељуба, но задоволството во кревет им е навистина важно. Редовниот секс и внимателниот партнер се сон на секоја жена. Барем еднаш месечно приредете ѝ романтична вечера и долго водете љубов.

ОДМАЗДА
Секоја повредена и изневерена жена е подготвена за одмазда. Најчеста причина за таквата одмазда е прељубата која ја извршил нејзиниот партнер, а тоа се разбира не води до среќен крај. Ако во вашата врска дојде до ваква ситуација, подобро е да ставите крај и секој нека продолжи по својот пат.