Што велат мажите, а што слушаат жените?

Дека жените се комплицирани не е некое посебно откритие, но ако следите следниве одредени упатства лесно ќе ги задоволите. За да избегнете непријатни ситуации прочитајте како ги толкуваат нештата кои мажите им ги кажуваат.

Мажот вели: „Изгледаш уморно.“
Жената слуша: „Не изгледаш привлечно.“
Оваа реченица им укажува на тоа дека не изгледаат убаво. Секоја жена се труди да изгледа привлечно, па ваквата изјава ќе ја навреди. Обидете се со посуптилно прашање, како на пример: „Сè е во ред?“

Мажот вели: „Си ослабела.“
Жената слуша: „Претходно беше дебела.“
При оваа изјава жените кои работеле на себе и успеале да изгубат неколку килограми ќе помислат дека претходно не ви биле убави. Подобро кажете ѝ: „Фантастично изгледаш.“

Мажот вели: „Одлично изгледаш за свои години.“
Жената слуша: „Одлично изгледаш со оглед на годините што ги имаш.“
Годините на жената се забранета тема. Без оглед на тоа дали станува збор за шега или комплимент, никогаш не ги спомнувајте годините.

Мажот вели: „Што си ѝ правела на косата?“
Жената слуша: „Новата фризура ти е катастрофа!“
Коментарите од типот: „Изгледаш поинаку!“ или „Си променила нешто на себе!“ не смеете да ѝ ги кажете на жена. Наместо тоа, кажете ѝ „Супер ти стои новата фризура.“

Мажот вели: „Навистина немам време за разговор.“
Жената слуша: „Имам попаметна работа отколку да те слушам тебе што зборуваш.“
Секогаш постои подоро решение, посебно кога е во прашање разговор. Поубаво би било да ѝ објасните дека имате работа и дека ќе ја побарате што завршите.

Мажот вели: „Мене ми изгледаат исто.“
Жената слуша: „Не ме интересира.“
Ако жената ве праша која маица поубаво ѝ стои, дури и кога ви е сеедно и навистина не забележувате никаква разлика помеѓу нив, изберете ја било која. Дури и „Првата поубаво ти стои!“ е супер одговор.