Дури и најслободоумните мажи и жени имаат предрасуди кога станува збор барањето и запознавањето на партнери преку Интернет. Иако, Интернетот стана дел од нашето секојдневие, како и посетувањето на социјалните мрежи, за т.н. “онлајн дејт” постојат голем број предрасуди.
Ова се осум генерализирани митови кои кружат за ваквиот вид на запознавње партнери:
Згодните луѓе не бараат партнери преку Интернет
Ова е еден од најчестите митови. Атрактивните, убави и секси луѓе не се служат со онлајн запознавања. Но, исто како и во реалниот живот, и на Интернет можете да запознаете згодни и помалку згодни момци и девојки. Луѓе со најразлични професии токму се одлучуваат за овој тип на запознавање на партнери и пријатели поради тоа што немаат многу слободно време, а и не практикуваат да одат на кафе во кафетерии или пак клубови.
Само очајните луѓе бараат партнери преку Интернет
Според многумина, запознавањето на партнер преку Интернет е “последна сламка” за која се фаќаат само очајните и лузерите. Напротив. Луѓето кои имаат желба да запознаваат нови ликови не се очајни, многу веројатно е дека им е здодеано од излегување на исти мести и опкружувањето со едни исти луѓе. Интернетот е идеално место за запознавање на луѓе со исти интереси.
На Интернет сите лажат
“Онлајн дејтот” се состои од празни ветувања и лаги. Преку Интернет многу лесно можете да ја сокриете вистината за себе и да излажете, но кога ќе се сретнете во живо – маските паѓаат. Кога ќе се откријат лагите, ситуацијата е незгодна.
Нема добродушни, а сингл луѓе на Интернет
Многумина мислат дека луѓето преку Интернет бараат само партнери за секс и ништо повеќе од тоа. Но, како и во кафетерииите и клубовите, и на Интернет постојат луѓе со најразлични интереси и желби. Преку Интернет може да најдете пријатели со кои подоцна можеби ќе бидете и интимни.
Опасност на Интернет
Комуникацијата преку Интернет и давањето на личните податоци на лица кои не ги познавате во живо може да донесе сериозни проблеми. Меѓутоа, истите проблеми може да ви се случат и со луѓето кои ги познавате во живо. Препорака: секогаш следете ги правилата за сигурност на Интернет.
Нема шанси да најдете љубов
Нормално дека никој не може да очекува дека со сигурност ќе наиде на сродна душа кога ќе тргне со цел да запознава, сеедно дали се работи за Интернет или клуб. Но, со оглед на фактот што денес сите користат Интернет, не е невозможно да запознаете личност во која ќе се заљубите. Постојат примери за среќни и успешни бракови кои траат долги години, а партнерите се запознале баш преку Интернет.
Далеку од очи – далеку од срце
Доколку запознаете некој кој не живее во Вашиот град, тешко е да ја одржувате искрата. Но, со оглед на тоа дека тие луѓе не се во можност да се гледаат секој ден, многу често го користат Интернетот како средство за комуникација.
Осуда од околината
Многу од паровите имаат проблем да ѝ соопштат на околината дека се запознале преку Интернет. Пред некои 10-тина години, луѓето кои се запознале преку Интернет и основале брачна заедница биле предмет на исмејување од пријателите и семејствата. Денес е сосема спротивно, Вие можете да ги импресионирате Вашите пријатели со приказната за запознавањето партнер преку некоја социјална мрежа.
Денес, начинот за запознавање е сосема неважен.
Станете наш facebook фан. Ви Благодариме!
Пред четири години се запознав со еден дечко на една социјална мрежа, со кој по осум месеци допишување започнавме да се гледаме и во живо… Истиот тој дечко сега веќе две години ми е сопруг… Мислам дека по сродна душа немаше никогаш да пронајдам!