Фантазиите во машката глава се бескрајни, па затоа жените стравуваат дека не можат соодветно да ги реализираат или запаѓаат во очај дека не се доволно добри во сексот. Но, сепак не е сè толку комплицирано колку што вам ви изгледа. Мажите пред сè сакаат жена која ужива за време на сексот и јасно го дава тоа до знаење. Во продолжение прочитајте кои се слатките „тајни“ на мажите и што е она што најмногу ги возбудува. Нивната реализација не само што не е тешка, туку истовремено може да биде забавна, опуштена и секси.
Секс наутро
Денот по утрото се познава. Направете да започне весело и сплотено. Мажите го обожуваат сексот пред да заминат на работа, па затоа искористете го ваквиот податок. Изненадете го вашиот партнер со тоа што ќе го разбудите расположени за неодолива игра под чаршафите и заедничко уживање.
Масажа
Масажата е една од омилените предигри на посилниот пол. Земете масло за масирање и започнете со масажата. Обрнете внимание на вратот, рамената и грбот и бидете нежни и заводливи. Потоа легнете вие на грб и заменете си ги улогите.
Орален секс
Оралниот секс е патот кон рајот. Мажите го сакаат дотолку што лишувањето од него би можеле да го разберат и како мотив за измама. Доколку сè уште не сте се обиделе, време е да го направите тоа и пријатно да го изненадите и вашиот партнер и себеси. Техниките лесно се совладуваат, а најважно од сѐ е да бидете страсни и заводливи за време на чинот.
Секси облека
Голем дел од жените мислат дека мажите воопшто не обрнуваат големо внимание на долната облека, но факт е дека нив дополнително ги возбудуваат парчињата кои ги прекриваат токму „скокотливите“ делови на женското тело. Ви препорачуваме секси и заводлива тантела, а во однос на бојата, црвената и црната би биле најсигурен избор.
Лошата учителка
Сексот е забава. Забавувајте се и бидете креативни. Играјте улога на учителка, докторка, стјуардеса, готвачка… Ваквите игри ќе ве насмеат и ќе ве опуштат за време на сексот. Бидете иницијатор и започнете ја играта, ќе ве посакува бесконечно.
Негувана кожа и пријатен мирис
Можеби ви изгледа чудно, ова навистина дополнително го возбудува мажот. Нежна кожа, која е пријатна на допир ја истакнува женственоста, а нејзината пријатна миризба делува како афродизијак врз машките сетила за мирис и вкус. Не дозволувајте да се запуштите во текот на врската или брачниот живот. Користете креми за нега на кожата и дадете му до знаење дека секогаш ќе се трудите да бидете убава за неговите очи и нежна за неговиот допир.
Станете наш facebook фан. Ви Благодариме!
