Сте се запрашале која е тајната за успешна, среќна врска? Ако сакате да го подобрите односот со својот партнер, прочитајте ги следниве десет навики кои ги имаат среќните љубовни двојки. Обично треба да помине околу 21 ден за една дејност да премине во навика.
Легнувајте си заедно
Се сеќавате дека на почетокот на врската секогаш заедно одевте во кревет и водевте љубов? Среќните парови секогаш одат во кревет и легнуваат да спијат заедно.
Негувајте ги заедничките интереси
Кога страста ќе почне да згаснува, сигурно и заедничките интереси ќе се намалат. Сепак, немојте да се откажувате од и оние малку заеднички интереси кои останале. Ако немате заедничко хоби, треба да го пронајдете, но сепак не смеете да ги запоставите сопствените интереси.
Држете се за рака
Без разлика дали тоа ќе биде додека се шетате или пак додека седите еден покрај друг, убаво е да ја почувствувате топлината на вашите раце. А со тоа и ќе покажете дека ја сакате личноста покрај себе.
Имајте доверба и толеранција кон својот партнер
Кога се расправате и кога не можете да го решите проблемот кој го имате, немојте веднаш да дозволите тоа негативно да влијае на вашата врска. Имајте малку повеќе доверба во својот партнер и бидете малку потолерантни кон него.
Насочете се кон неговите добри страни, наместо кон недостатоците
Ако постојатно барате нешта кои вашиот партнер ги прави погрешно, сигурно ќе најдете нешто. Но, наместо да го правите тоа, насочете го своето внимание кон неговите позитивни страни. Вашиот став најмногу зависи од кој агол го набљудувате својот партнер.
Бакнете го и прегрнете го секогаш кога ќе го видите
Нашата кожа ги запаметува љубовните допири исто како што ги запаметува и запоставувањето и злоупотребата. Двојките кои често се милуваат и гушкаат се многу поблиски отколку другите.
Секое утро кажете „Те сакам“
Најубав начин да се започне денот со насмевка и да се подготвите за напорната работа, е да слушнете или да кажете „Те сакам“. Секое утро на својот партнер изјавете му љубов и посакајте му убав ден.
Посакајте му добра ноќ
Без оглед на тоа дали во денот што изминал сте се расправале или не, посакајте си добра ноќ. Преспијте, па следниот ден ќе се расправате ако навистина има потреба од тоа.
Слушајте се по телефон неколку пати во текот на денот
Убаво е кога партнерот ќе ви се јави и ќе ви каже дека сакал само да го слушне вашиот глас. А замислете само колку ќе ви се поправи расположението ако сте имале лош ден на работа.
Бидете горди на вашиот партнер
Среќните двојки сакаат да бидат видени заедно во општеството. Не станува збор за тоа дека се фалат, туку напротив со гордост покажуваат дека припаѓаат еден на друг.
Станете наш facebook фан. Ви Благодариме!