Доколку вашиот партнер избегнува да води љубов со вас, немојте прерано да носите заклучоци дека има друга или дека не го привлекувате повеќе. Сосема е нормално, кај мажот да спласне желбата за секс. Затоа вие треба да му помогнете да го разбуди заспаното либидо.
„Честопати се случува жената да има поизразени сексуални желби од својот партнер. Стресот и секојдневните проблеми влијаат на сексуалната желба кај мажот. Меѓутоа, проблемите настануваат кога едниот партнер има интензивирани сексуални нагони и желби.
Доколку мажот покаже незаинтересираност за водење љубов, жената веднаш ја препишува вината на своја сметка што е сосема погрешно. Жената не треба да се труди да ги потисне своите сексуални апетити бидејќи тие се здрава потреба, тие се предзнак дека жената се чувствува убаво во сопствената кожа и дека е задоволна со своето тело. За да ги избегнете сериозните проблеми во кревет потребно е што побрзо да реагирате и да му помогнете на вашиот партнер да го издигне либидото на високо ниво.“ – вели Др. Девор, психолог и сексолог од Америка.
СЕКСУАЛНИОТ НАГОН ВАРИРА
Ослободете се од митот дека мажите секогаш се оние „напалените“. Стручњаците објаснуваат дека сексуалниот нагон кај мажите варира исто како и кај жената.
„На либидото влијаат комбинација од физички и психолошки фактори кои се менуваат од ден во ден, месец во месец, од година во година.“ – објаснува Анџела Паола.
Ако се случува вашиот партнер да ве одбива повремено тоа сметајте го за сосема нормално. Исто така, имајте во предвид дека со текот на годините сексуалната желба станува сè помала. Со текот на времето, сексуалните односи со една иста жена губат на интензитет.
ОТКРИЈТЕ ШТО МУ ПРЕЧИ
„За да сфатите што се случува со вашиот партнер, морате да согледата што му се случува во животот.“ – објаснува Девор.
Доколку забележите дека го мачат некакви проблеми или пак се наоѓа под силен стрес на работа, мора да бидете трпеливи.
Но, доколку со сигурност знаете дека вашиот партнер нема стресен период, тогаш проанализирајте дали во прашање е неговата физичка состоја. Изнемоштеното и омалаксано тело нема сила да стане од кревет, а не па да води љубов.
Подобрата кондиција автоматски значи и подобар секс. Многу фактори можат да влијаат на слабата сексуална желба, како: болест, прекумерна телесна тежина, намалена физичка активност, обилни оброци, прекумерно конзумирање алкохол.
ПРИФАТЕТЕ ГИ РАЗЛИКИТЕ
Многу често, со тек на времето можете да осознаете дека имате различно изразени сексуални желби со вашиот партнер. Доколку вашата сексуална желба е далеку поизразена во однос на сексуалната желба на вашиот партнер тогаш мора да се помирите со тоа. Всушност, вие не можете да влијаете и да ја промените неговата желба. Во тој случај останува да се запрашате себеси дали сте во можност да го прифатите овој факт. Но, доколку не можете да ги прифатите различностите најдобро би било да се разделите и да најдете друг партнер.
Станете наш facebook фан. Ви Благодариме!
Станете наш facebook фан. Ви Благодариме!