Можеби „Те сакам“ се најпознатите зборови за искажување љубов, но сепак има и други фрази кои многу позитивно влијаат на една врска.
„Можеш да го направиш тоа“
Можеби една од најважните улоги на партнерот е кога тој дава неизмерна поддршка. Без разлика за што станува збор, тој треба секогаш да ја поддржува и да ја бодри својата партнерка да продолжи понатаму. Таа не би била толку успешна колку што е, доколку тој не ја мотивира да цели повисоко и да не се откажува.
„Се гордеам со тебе“
Секогаш кога таа ќе заврши некоја работа, без разлика колку е мала и незначителна, најдоброто нешто што тој може да го каже е дека се гордее со неа. Доколку таа знае дека има моќ да го импресионира него, ќе знае дека може истото да го направи и со сите останати.
„Прекрасна си“
Не постои подобро чувство од тоа кога девојка добива ненадеен комплимент, дури и покрај тоа што таа верува дека токму во тој момент изгледа лошо. Доколку тој искрено ѝ каже дека е убава, таа ќе го почувствува тоа и на тој начин нејзината самодоверба ќе се зголеми, правејќи ја уште поубава од претходно.
„Дозволи ми да те одведам на состанок“
Секојдневната рутина е убиец на страста. Кога мажот ќе одлучи да излезе од неа и да ѝ приреди нешто необично, дури и ако станува збор за едноставна домашно подготвена вечера покрај свеќи и вино, тој само ѝ кажува на својата девојка дека сака да ја одржи страста разгорена.
„Те поддржувам“
Ако тој го чува нејзиниот грб, таа ќе биде незапирлива. На тој начин таа знае дека не постои нешто што не би можела да го изведе покрај неговата неизмерна поддршка.
„Извини“
Во овој случај „извини“ не се однесува на сите оние мали караници во кои е нафрлено само со цел разговорот да престане. Овој пат се однесува на „извини“ кое значи „Разбирам што сакаш да ми кажеш и се чувствувам лошо затоа што дозволив да дојде до оваа ситуација, но од сега па натаму ќе се погрижам тоа никогаш да не се повтори“.
Станете наш facebook фан. Ви Благодариме!
