Многу пати сме гледале филмови чија главна тема е љубовен триаголник. Но, дали такво сценарио е возможно во реалниот живот, односно дали е возможно истовремено да љубите две личности со еднаков интензитет?
Психотерапевтот Тони Колман смета дека во ситуација кога жената љуби двајца мажи, едниот од нив е нејзиниот партнер, а другиот е нејзиниот најдобар пријател. „Најтешко е кога ќе се заљубите во најдобриот пријател, бидејќи тогаш започнувате да ја гледате вашата пријателска емоционална поврзаност на сосема поинаков начин. Ако во тој момент имате и партнер, тогаш имате голем проблем“ вели Колман, додавајќи дека човек не може засекогаш да „седи на две столици“. Во такви ситуации мора да донесете одлука кого ќе ставите на прво место. Во таа одлука може да ви помогне фактот дека нешто недостасува во вашата врска, штом сте се вљубиле и во друга личност. Прашањето е дали да го слушате срцето или разумот, а секако одлуката ќе биде тешка. Свесно треба да направите избор за една од двете опции.
Секогаш следете го тоа чувство кое вам ви изгледа исправно, без оглед на тоа што мислат луѓето во вашата околина или пак оние две линости во кои сте вљубени. Некогаш таа „друга“ љубов може да биде и некоја љубов од вашето минато. Во секој случај, за да направите вистински избор и да донесете правилна одлука, најдобро е да направите пауза во тековната врска и убаво да размислите за сè. Ако ви недостига вашиот партнер и сакате повторно да бидете заедно, можете да му се вратите. Ако врската со сегашниот парнер не ви одговара и не сакате да му се вратите, тогаш можеби нема потреба и да започнувате нова врска со втората личност која ја сакате. А може и да се откажете од двете личности. Како и да е, запомнете дека кога не можете да одлучите по меѓу две личности, треба да ја изберете втората.
Станете наш facebook фан. Ви Благодариме!