Со овој оригинален и исклучително вкусен рецепт ќе ги изненадите своите најблиски. Неговата подготовка е едноставна и не ви требаат многу намирници.
За чоколадните торички се потребни следните состојки:
– 6 лажици путер
– 1 чоколадо за готвење
– 4 јајца
– 1/3 шолја шеќер во прав
– 1/2 лажица сол
– 1/4 шолја брашно
Потребни состојки за карамел:
– 1 лажица шеќер
– 1/2 шолја хопла
– 6 лажици путер
– 1/2 лажица ванилин шеќер
Подготовка на тортичките:
Путерот стопете го на пареа и во него додадете го чоколадото да се стопи. Додека се топи чоколадото, во друг сад изматете 2 јајца и 2 жолчки, а потоа додадете го и шеќерот во прав и солта. Со константно мешање постепено додадете го и брашното. Смесата со путер и чоколадо додадете ја во оваа смеса и мешајте додека сите состојки не се соединат. Намачкајте ги керамичките шолји со путер и наросете шеќер на целата површина на шолјата. Со смесата наполнете 3/4 од шолјите и оставете ги во ладилник 15 минути. Потоа шолјичките ставете ги на плех за печење и печете ги 25-30 минути.
Подготовка на карамел:
Шеќерот ставете го сад за готвење на тивок оган да се топи, повремено мешајќи го. Откако ќе се стопи, додадете го путерот, малку сол, ванила и слатката павлака. Пенесто изматете ја смесата и процедете ја низ цедалка. Со подготвениот карамел прелијте ги тортичките додека се топли.
Станете наш facebook фан. Ви Благодариме!
