Зоолошката градина во Скопје доби туристичко вовче

Зоолошката градина во Скопје доби туристички воз, преку донација обезбедена од Македонски Телеком и Т–Мобиле Македонија. Туристичкиот воз кој е со современ дизајн и е единствен од ваков тип во регионот, е донесен да им обезбеди пријатна посета и убави моменти на сите посетители на Зоолошката градина.

Вовчето, пред сè е наменето за превоз на децата кои од сега ќе можат организирано да се возат, како и полесно да ги посетуваат и да се едуцираат за сите животни – жители на ЗОО – Скопје. Возилото се состои од два вагони и има капацитет за превоз на 36 лица истовремено, а ќе биде пуштено во употреба денес. Донацијата е вредна 80.000 евра.

Според главните извршни директори на Македонски Телеком и на Т-Мобиле Македонија, г-дин Даниел Сас и г-дин Жарко Луковски, успешното завршување на еден ваков проект е резултат на долгогодишната работа, партнерство и огромна посветеност на двете компании во проекти од интерес за општеството. Компаниите веруваат дека со оваа акција демонстрираат пример за бизнис секторот да поддржува активности, кои се од важност и помагаат во подобрување на квалитетот на живеење на сите граѓани на Македонија.

“Ова донација на двете компании значи чекор поблиску до реализацијата на заедничката идеја за модернизирање на ЗОО – Скопје, со воведување поголем број забавни активности, но и запазување на безбедносните критериуми за сите посетители.” – изјави директорката на ЗОО – Скопје, Татјана Стаменов.

Кликнете ТУКА за да ги погледнете нашите денешни содржини.

Станете наш facebook фан.