Англичанката Сара Кларк за својата свадбена прослава го облекла венчалниот фустан кој го носела нејзината мајка, а и баба. Освен тоа, Сара го кажала судбоносното “да” на истиот датум како и нејзините родители и баба и дедо.
Дваесет и пет годишната англичанка ја продолжила традицијата од далечната 1959 година. Венчалниот фустан го купила нејзината баба Дороти Сампсон и истиот чинел 30 фунти. Дороти фустанот го чувала од сентиментални причини и не ни помислила дека еден ден нејзината ќерка, па и внука ќе го облечат.
Фустанот не ја изгубил модната актуелност низ годините, а многу потсетува на оној кој го носеше принцезата Кејт Мидлтон.
“Малку девојки можат да се пофалат со фустан стар половина век. Бев скептична пред да го видам, мислев дека е распаднат. На еден дел од него има сини флеки од конфетите од свадбата на моите родители и токму тоа го прави да делува магично и шармантно.” – изјавила Сара.
Кога се одлучила за фустанот, датумот на венчавката се наметнал сам по себе. Свадбената церемонија сакале да се случи во јуни, па ја закажале за 9-ти јуни. Сара открива дека доколку има женско детенце би сакала да ја продолжи традицијата и да го носи истиот венчален фустан, но не би ја приморувала доколку не сака.
“Секоја од нас го носеше на свој начин. Имавме различен накит, но бидермаерите беа речиси идентични. Се надевам дека ќе имам убав брак како мајка ми и баба ми.” – додала Сара.
Станете наш facebook фан. Ви Благодариме!