Сплотени со природата

Овие хипнотизирачки скулптури се дело на Вилијам Рикетс, австралијанец роден во далечната 1898 година, кој со стравопочит гледал на врската која ја имаат Абориџините со природата. Скриени длабоко во бујните австралиски шуми, мистичните абориџински скулптури се навидум сплотени со околината. Maжи обвиени со мов, жени и деца кои се појавуваат од стеблата и големите камења. Некои изгледаат ко да ќе го допрат небото и ги шират крилјата, други пак, заштитнички се прегрнуваат, но сите се симболи на врската помеѓу домородното австралијанско население со мајката природа.