Рубикова коцка

Имавте ли Рубикова коцка како мали? Успевавте ли да ги наредите боите?

Рубиковата коцка е една од најпознатите т.н. “puzzle games” на 20-тиот век. Ја измислил холандскиот скулптор и професор по архитектура, Ерно Рубик, во 1974 година и ја нарекол “Magic Cube” (“Магична Kоцка”). Во 1980 година, неговиот изум ја добил специјалната награда за “Најдобра сложувалка” на една реномирана манифестација во Германија. До 2009 година, во светски рамки се продадени над 350 милиони коцки, бројка што ја прави оваа сложувалка најпродаваната играчка во светот.

Денес постојат повеќе верзии на Рубиковата коцка (2х2, 3х3, 4х4, 5х5…), а препознатливиот дизајн и боите на истата се инспирација во производството на мебел, креирањето модни додатоци и најразличните гаџети кои веќе се наоѓаат на пазарот.