55 од 100 луѓе ќе се проѕеваат во рок од 5 минути после проѕевањето на некој друг. Дури и слеп човек, кога ќе слушне проѕевање, се проѕева. Дури и читањето за проѕевањето ќе ве натера да копнеете да ја отворите устата и да се проѕевате. Проѕевањето станува заразно на возраст од околу 4 години. Интересен факт е дека проѕевањето не е заразно само помеѓу луѓето, туку и помеѓу шимпанзата и кучињата. Научниците веруваат дека ова однесување карактеристично за луѓето потекнува уште од еволутивниот период. Или поедноставно речено, ако Дарвиновата теорија е точна, тогаш оваа социјална карактеристика е наследена од мајмун. Проѕевањето иницира форма на социјално поврзување. Ако некој се проѕева , а многумина ќе го следат, можеби тоа е сигнал дека е време за спиење. Или ако некој се проѕева кога се досадува, а другите го следат, тогаш можеби е време за промена на темата на разговор. Често се поставува прашањето што го стимулира мозокот на оваа несвесна реакција која се случува само кога гледаме некого дека се проѕева. Анализите на човечкиот мозок покажува дека во мозокот постојат посебни клетки или неврони, наречени „огледало неврони“. Овие неврони се активни кога едно лице несвесно ја имитира акцијата на некој друг, или всушност го стимулира мозокот да ја изврши таа акција. Значи ако се проѕевате додека го читате ова, да знаете дека тој неврон во моментов кај Вас е активен.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!