Речиси секој од нас барем еднаш во својот живот се обидувал да се справи со вишок на килограми. Но, за да биде успешна таа борба потребно е да се најде причината. Причините со прекумерната тежина најчесто се повруваат со животните навики.
НЕКОНТРОЛИРАНА ИСХРАНА
Обично не сме свесни колку нездрава храна внесуваме во текот на еден ден. Ако сакате да знаете колку храна сте внеле во организмот, на ливче запишете си сè што сте изеле во текот на денот. Тоа не е броење калории, туку контролирање на нездравата храна (грицки и слатки) кои се магнет за тежината.
ЖЕНСКА ГЕНЕТИКА
Ако Вашата мајка накачила многу килограми додека Ве носела во стомакот, и тука може да се бара причината за вишок килограми. Истражувањата покажуваат дека постои голема веројатност жените кои накачиле премногу килограми во текот на бременоста да имаат деца кои ќе бидат склони кон дебелеење.
НЕДОСТАТОК НА ФИЗИЧКА АКТИВНОСТ
Многу добро знаеме дека со вежбање се топат килограмите. Луѓето кои физички не се активни, не можат да ја потрошат ниту основната дневна количина на калории. Вежбањето, освен што е добро за здравјето, го забрзува метаболизмот и ги топи килограмите.
ПРЕСКОКНУВАЊЕ НА ПОЈАДОКОТ
Метаболизмот буквално функционира како автомобил. Ако нема бензин, не тргнува. Појадокот е еден вид гориво кое на метаболизмот му ја дава потребната сила и енергија за стартување на работата и согорување на храната и мастите. Нутриционистите препорачуваат појадување еден час откако ќе се разбудите.
АЛКОХОЛ
Ако имате проблеми со намалување на вишокот килограми, избегнувајте го алкохолот, посебно после ручекот.
НЕДОВОЛНО СПИЕЊЕ
Неправилното спиење доведува до неправилна исхрана. Најновите истражувања покажуваат дека лишувањето од сон може да доведе до зголемување на хормонот на стрес (кортизол), кој го поттикнува апетитот. Доколку се борите со килограмите, спијте барем седум часа дневно.
ХОРМОНАЛНО ПОРЕМЕТУВАЊЕ
Проблемите со хоромоните може да предизвикаат зголемување на телесната тежина. Тироидната жлезда е мала жлезда која се наоѓа на вратот (под Адамовото јаболко) и ја контролира функцијата на метаболизмот. Ако се намали нивото на хормони на оваа жлезда, метаболизмот се забавува, а тоа може да предизвика зголемување на телесната тежина.
СТРЕС
Многу е потешко да изгубите некој килограм ако постојано сте под стрес. И во овој случај телото ослободува кортизол кој го стимулира гладот. Дури и кога не сте гладни, стресот стимулира некои чудни желби кои најчесто ги исполнуваме со непотребни грицки. Ако се најдете во таква ситуација, излезете и прошетајте малку на воздух.
ПРЕМАЛКУ ЈАДЕЊЕ
Ако внесувате помалку од 1200 калории дневно, организмот го изгладнувате. Резултатот е забавен метаболизам, кој го забавува согорувањето калории.
ЛЕКОВИ
Лековите може да предизвикаат неконтролирано зголемување на бројот на килограми. Различни лекови, посебно оние кои се користат за лекување на инфекции или лекување депресија, влијаат врз зголемување на телесната тежина.
Станете наш facebook фан. Ви Благодариме!