Портокал – пријател на витката линија

Портокалот е сочно овошје кое е идеален извор на минерали, витамин Ц и вода. Токму поради тоа, портокалот е дојбредојден во комбинација со секоја празнична трпеза која е полна со мрсна храна и слатки.

МОЌНИ МИНЕРАЛИ
Освен со витамин Ц, портокалите се богати со минерали како калциум, калиум и магнезиум. Калциумот ги чува коските, а калиумот нервите и мускулното ткиво. Покрај тоа, портокалот помага во одржувањето на рамнотежа меѓу загубата и внесот на вода од организмот.

ИДЕАЛНО ОВОШЈЕ ЗА ТРУДНИЦИ И ПУШАЧИ
Познато е дека никотинот го уништува витаминот Ц. Затоа се вели дека ако на непушачите им е потребен еден портокал за заштита од настинки, тогаш на пушачите им се потребни три. Портокалите се идеална храна и за трудници бидејќи изобилуваат со фолна киселина која е неопходна за развој на фетусот.

ВИСОК ПРОЦЕНТ НА ВОДА
Брзо го заситуваат организмот, бидејќи содржат висок процент на вода – 86%. Изберете портокал кој има помалку рапава кора бидејќи тој портокал е посочен и посладок.

ЛЕКОВИТА КОРА
Моќните антиоксиданси, флавоноиди, кои во најголема мера се наоѓаат во внатрешниот, бел дел на кората, го намалуваат ризикот од мозочен удар.

ПРИРОДЕН СОК
Од еден портокал се добиваат 90ml сок кој е одличен извор на витамин Ц.

Кликнете ТУКА за да ги погледнете нашите денешни содржини.

Станете наш facebook фан.