Јарците се упорни, активни и силни знаци кои ја внесуваат сета своја енергија во сè што прават. Кога станува збор за љубовта, тие тежнеат кон искачување на сè повисоко скалило достигнувајќи до една здрава и стабилна врска, во која ќе бидат задоволни двајцата партнери.
Јарец и јарец е најсовршената љубовна комбинација во хороскопот. Нивната амбиција за успех на секое поле од животот, може да биде и причина за големи конфликти помеѓу партнерите. Кога станува збор за грижата за домот, семејството, градење успешна врска и обезбедување финансиска стабилност, овој пар е дефинитивно „вистинска добитна комбинација“. Јарците се толку „свесни“ за овие нивни обврски, што може да се случи да имаат проблем да одвојат малку време за забава и рекреација и главен фокус на нивниот живот да биде градењето кариера. Лојални и несебични, овие партнери се верни и нежни еден кон друг и никој од нив нема потреба да биде доминантен и заповеднички настроен, а тоа е идеалнна комбинација од карактеристики за овој хороскопски знак.
Во својот живот, јарецот е предводен од планетата Сатурн, чиј најголем фокус е постигнување високи цели, преку напорна работа. Оваа планета ја потенцира авторитативноста на јарецот како особина и неговата потреба за имање висок социјален статус. Ова партнерство е дефинитивно најмногу посветено кон постигнување професионални успеси. Имаат интензивна настроеност кон реализирање на плановите и целите кои си ги зацртале, а тоа прави да изгледаат круто и нефлексибилно во очите на другите луѓе. Овие особини кај партнерот не го изненадуваат и воопшто не му сметаат на јарецот, бидејќи и самиот тој ги поседува во поголем или помал степен.
Јарците имаат одлична меѓусебна комуникација и обожаваат заеднички да работат на различни проекти. Помеѓу нив постои огромно количество љубов, но емоционалната приврзаност помеѓу јарците не е толку голема, како кај други хороскопски знаци. Имаат тенденција заеднички да се соочуваат со различните животни предизвици, но тие исто така сакаат да си остават и доволно простор да ги следат своите индивидуални интереси.
Родените во овој знак имаат волја да работат напорно за да бидат добро финансиски „потковани“, а тоа им е важно поради две причини: да имаат висок статус во очите на јавноста и тоа што естетиката и скапите предмети ги прават среќни. Тие ќе се потрудат да заработат доволно за да ја претворат нивната куќа во вистински семеен дом, кој ќе биде уреден со „вкус“ и удобен за сите членови на семејството. Разните активности, обврски и одговорности се задолжителни и неизбежни во секојдневниот распоред на јарците, поради што на овие партнери одвреме-навреме ќе им биде неопходна забава и правење разни будалштини, со цел да се опуштат. Тие навистина понекогаш имаат потреба да престанат да се грижат за сè, да се разведрат и понекогаш да дозволат работите да се случуваат сами по себе. Уживаат да се вклучуваат во разни активности и да ги спроведуваат до крај, а тоа го прават со голем ентузијазам и енергија. Овој конзервативен пар, го инвестира своето време и пари во практични работи кои ќе му донесат реални и конкретни резултати.
Истрајноста, непоколебливоста и упорноста на јарците како главни особини, го прават ова партнерство неверојатно моќно, а во исто време пријателско и интимно. Најдобриот аспект од нивната врска е посветеноста кон реализација на нивните индивидуални и заеднички одговорности. Ова партнерство е градено на цврста основа и има големи изгледи да трае долго.
Станете наш facebook фан. Ви Благодариме!