Лаги во кои веруваме кога сакаме да ја намалиме телесната тежина

Кога не сакаме да се придржуваме кон ригорозни режими на исхрана, се служиме со трикови кои веруваме дека ќе ни помогнат да ја намалиме телесната тежина. Но, тие трикови не се најдобро решение, бидејќи многу едноставно стануваат лаги во кои сами ќе почнеме да веруваме. И ќе ни стане навика да велиме „Од утре!“.

Убава и витка линија може да се постигне само со правилна исхрана и редовно вежбање. Затоа, заборавете на следниве лаги кои си ги кажувате кога сакате да ја намалите телесната тежина. Наместо тоа, почнете да вежбате и да се храните здраво.

ЛИФТОТ ЌЕ ГО ЗАМЕНАМ СО СКАЛИ
Можеби првиот ден ќе одите по скали, но веќе од следниот ден ќе ви се брза, па нема да имате да имате вишок драгоцено време за да го трошите во одење по скали.

ЌЕ ПИЈАМ САМО ВОДА ВО СЛЕДНИТЕ 30 ДЕНА
Кафето секако е дозволено. Но, вториот ден ќе сакате да се напиете некој алкохолен пијалок, третиот ден газиран сок.

НЕ ЈАДАМ ЛЕБ
Најчесто се лажете дека од утре нема да јадете леб, ниту бел, ниту црн, ниту со житарки. Можеби ќе издржите првите неколку денови, но потоа без размислување ќе посегнете по леб или некое бело печиво.

ЌЕ ЈА ЗЕМАМ ОПРЕМАТА ЗА ВО ТЕРЕТАНА И ЌЕ ОДАМ ПОСЛЕ РАБОТА
Сигурно ќе одите на вежбање после напорниот работен ден?

ЌЕ СТАНАМ ВО 6:30 И ЌЕ ТРЧАМ
Кога ќе ви заѕвони алармот во 6:30, нема да ви се отвораат очи, а камоли да станете и да трчате.

ЌЕ ГО ОСТАВАМ БУДИЛНИКОТ НА ДРУГИОТ КРАЈ НА СОБАТА
На овој начин се присилувате да станете и да повежбате малку пред да одите на работа. Но, поверојатно е дека ќе го исклучите алармот и ќе се вратите уште десетина минути во кревет.

ДОБРА МУЗИКА ЌЕ МЕ НАТЕРА ДА ВЕЖБАМ
Плеј листа со омилената музика би требало да ве мотивира да вежбате редовно. Но зошто да се потите кога сакате да уживате во добрата музика?

ЌЕ СИ ЛЕГНАМ ПОРАНО, ПА УТРЕ ЌЕ ВЕЖБАМ
Токму кога ќе си речете дека ќе си легнете порано, ќе заглавите цела ноќ. Facebook, филм, некоја добра книга…

НЕ ЈАДАМ ПОСЛЕ 20h
Сериозно? А како ќе гледате филм или натпревар со омилениот тим без да грицнете некој чипс?