Како да ги препознаете вистинските пријатели?

Вистинските пријатели се препознаваат во тешки времиња, а не во среќни моменти. Оваа мисла се докажала и во животот, бидејќи само на тој начин можеме да видиме кој е со нас со целото свое срце и на кого навистина можеме да се потпреме. Пријателите кои не нè напуштаат кога ни е најтешко можеби не се бројни, но без сомнение се вистински.

Многупати сме погрешиле во нашите проценки, и оние кои сме ги сметале за најблиски се покажало дека не се. Со нив можеби имаме заеднички интереси, сме поминале убави мигови, но во тешките времиња сепак остануваме сами. Во таквите моменти треба да се потсетиме што значи вистинско пријателство и како можеме да ги препознаеме луѓето кои навистина заслужуваат да ги наречеме пријатели.

ВИСТИНСКИТЕ ПРИЈАТЕЛИ НИКОГАШ НЕМА ДА ГИ СУДАТ ТВОИТЕ ПОСТАПКИ
Сите ние имаме свои мислења и ставови, но вистинските пријатели никогаш нема да ги судат твоите ставови и постапки. Пријателството подразбира прифаќање на другите онакви какви што се. Иако многупати грешиме, нашите пријатели секогаш треба да го видат најдоброто во нас, дури и кога не сме се покажале во најдобро светло.

ВИСТИНСКИТЕ ПРИЈАТЕЛИ НЕ ГИ ИНТЕРЕСИРА ШТО МИСЛАТ ДРУГИТЕ ЗА ТЕБЕ
Без оглед на сè, никогаш не може да им се допаѓаме на сите. Мислењето на другите не смее да ни биде најважно. На оние кои нè познаваат и кои нè сакаат онакви какви што сме, нема да им биде важно туѓото мислење.

СЕКОГАШ МОЖЕТЕ ДА СЕ ПОТПРЕТЕ НА НИВ
Понекогаш ќе ги побараме доцна во ноќта за да поразговараме за своите проблеми, а кога ни се чини дека целиот свет е против нас и ништо не ни поаѓа од рака, тие ќе ни пружат „рамо за плачење“. Што е уште поважно, ќе ни подадат рака за да станеме.

ВИСТИНСКИТЕ ПРИЈАТЕЛИ СЕ РАДУВААТ НА НАШИТЕ УСПЕСИ
Покрај нас се кога ни е тешко, но и кога сме среќни поради новиот дечко или поради тоа што сме го положиле најтешкиот испит. Убавите нешта кои ни ги носи животот се уште поубави кога имаме со кого да ги поделиме.

Никогаш не заборавајте:
Вистинските пријатели секогаш ви го чуваат грбот.
Вистинските пријатели секогаш се тука за да се смеете заедно.
Вистинските пријатели никогаш не ве забораваат.
Вистинските пријатели зад грб ви зборуваат само убави нешта.
Вистинското пријателство не е нешто големo, туку милион мали нешта.