Како настана добро познатата “Happy birthday to you”?

Мислам дека и не постои човек на планетава Земја кој барем еднаш не ја запеал некому песничката “Happy birthday to you”. Но, дали некогаш сте се запрашале за нејзиното „раѓање“? Песната е напишана од две сестри од Америка, Milred J.Hill и Patty S.Hill. Многумина сметале дека тие ја копирале мелодијата од други популарни песни кои датираат од деветнаесетиот век, како “Happy Greetings to All” и “Good Night to You All” од 1858-та година, “A Happy New Year to All” од 1875-та година и “A Happy Greeting to All” од 1885-та година. Hill биле наставнички и ја напишале песнава за своите ученици во 1893-та година. Песната гласела вака:

“Good Morning to All”

Good morning to you,
Good morning to you,
Good morning, dear children,
Good morning to all.

Учениците на сестрите Hill толку многу уживале додека тие им ја пееле песната што спонтано почнале да ја пеат на роденденски забави. Така дошло до промена на текстот, и во 1924-та година оваа песна е преименувана во “Happy birthday to you”. Структурно, песната се состои од четири реда, од кои три се идентични. Секоја од трите идентични е токму насловот на песната “Happy birthday to you”, а редот кој се разликува е “Happy birthday, dear”, каде се спомнува името на оној кому му се пее. Оваа песна има авторски права до 2016-та во ЕУ и другите европски земји, односно 2030-та година во САД (во ЕУ и другите земји авторските права важат во текот на животот на авторот, плус 70 години по неговата смрт, а Patty починала во 1946-та година). Додека траат авторските права, песната може да се користи во училишта или дома, а не смее да се користи за комерцијални цели.

Кликнете ТУКА за да ги погледнете нашите денешни содржини.

Станете наш facebook фан.