Најновото истражување кое било спроведено во врска со социјалните мрежи покажува дека жените ги користат Facebook и Twitter за комуницирање и ширење познанства, а мажите играат Online игри на истите. Една од четири жени намерно поставува фотографии од своите пријателки на кои тие не се во најдобро издание. Повеќето од жените кои биле вклучени во ова истражување потврдиле дека после кавга со своите пријателки објавиле грди фотографии од нив, а една третина од нив признаваат дека тоа го направиле како одмазда на пријателките кои претходно објавиле такви фотографии. Две петтини од жените признале дека намерно поставиле фотографии од своите пријателки без шминка, а една петтина од нив одбиле да ги тргнат кога биле замолени да го сторат тоа. Сето ова укажува на фактот дека многу од жените ги користат профилите на социјалните мрежи за да ги понижат или да им се одмаздат на своите пријателки. Девојките може да ги тргнат ознаките, но фотографиите сепак остануваат. На ова, од Facebook велат дека немаат намера да се мешаат во приватни кавги и спорови, а фотографиите се бришат само кога ги кршат правилата за поставување слики на оваа социјална мрежа.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!