Оние кои денес пристапија на најпознатиот и најчесто користен интернет пребарувач Google се сретнаа со најинтересниот “Google doodle” до сега. Имено, неговата пoчетна страница изгледа како дуксер, а кога ќе го откопчате патентот, тој води до биографијата и сите информации поврзани со изумителот на патентот. На денешен ден е роден шведско-американскиот електроинженер Гидеон Сундбек, чие име се поврзува со изумот на патентот. Пред интервенцијата на Сундбек, постоеле обиди за спојување врз основа на испреплетување на запци, но никој не го сторил тоа до совршенство како што го сторил Гидеон. Роден е на 24.04.1880 година во Смаланд, Шведска. Своите студии ги завршил во Германија, а во 1905-та година емигрирал во САД каде работел во Компанија за електроника и производство во Питсбург, Пенсилванија. Потоа работи во Компанија за прицвртување на елементи во Хобокен, Њу Џерси. Сундбек првично го предложил патентот за женски чизми, но многу брзо овој изум почнал да употребува и за панталони и фустани. Гидеон починал на 21.06.1954 година, во Пенсилванија.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!