Една година iLike.mk Ви ја раскажува најубавата приказна. СРЕЌЕН 1-ви РОДЕНДЕН!!

Пред точно 365 дена, во онлајн светот сосема скромно и ненаметливо се појави iLike.mk, a благодарение на Вас, денес се вбројува во низата на најпопуларни македонски забавни сајтови. Од тогаш, па сé до денес, се трудиме да го привлечеме вашето внимание со интересни, убави и корисни содржини. Ви раскажуваме една поинаква урбана приказна..
Во текот на изминатата година, излегоа на виделина 1.750 постови, групирани во 10 категории.

Во првата година од нашето постоење организиравме 20-тина наградни игри и неколку мини изненадувања за вас, нашата верна публика.

Во редот на наши задоволни клиенти, соработници и пријатели се запишаа: МК Хост, туристичката агенција за млади ЈУПИТЕР, издавачката куќа Сакам Книги, магазините ТАА и ТОЈ, Caramelo, Aqua – Ing, издавачката куќа Nampress, Висока школа за новинарство и за односи со јавноста, Солена Соба, Драмски театар Скопје, Theatra, M2, Plan B продукција, Borka – здружение на жени за борба против ракот на дојка, Gorilla Wild Entertainment, Република продукција, Password, Simplicity Production и др. На сите нив искрено им благодариме.

И во наредните 365 дена, iLike.mk ќе ви го разубавува утрото, денот ќе ви го чини повесел, ноќта поромантична, а сонот посладок.

Ви благодариме што не следите и што сте дел од нас бидејќи ние постоиме за вас!