Diablo III пристигна!

За сите љубители на RPG (Role Playing Game) игрите сигурно многу значеше информацијата дека познатата игра од 90-тите Диабло се враќа на голема врата, со свое продолжение. Blizzard Entertainment концептот за ова продолжение, усовршувањето на светот во кој се одвива дејството, креирањето на ликовите и графиката, започнаа да го работат уште во 2008 година, кога започна одбројувањето до официјалната промоција на Диабло 3. Фановите стрпливо чекаа, надевајќи се дека новото продолжение ќе им ги надмине очекувањата, а сепак ќе биде согласно со приказната од другите делови и екстензии… И имаа можност 48 часа да ѕирнат во светот на Диабло 3, благодарение на Open Beta викендот, кој Blizzard го активираа за да ги корегираат евентуалните технички проблеми кои би се појавиле. Овој месец, точно 4 години по објавувањето дека се работи на Диабло 3, на 15-ти мај, на полноќ, започна официјалната продажба на играта, се означи старт на серверите и играта стана достапна во многу земји во светот. За прв пат и Македонија е дел од оваа светска промоција, па така во ТЦ Рамстор, со забава и наградни игри, вечерта помеѓу 14-ти и 15-ти мај се одбележа почетокот на ерата на Диабло 3.

Факти за Диабло:
– Првата игра Диабло е издадена на 31 декември 1996 година од страна нa компанијата Blizzard Entertainment;
– Дејството во Диабло е сместено во имагинарното Kingdom of Khanduras, во светот Sanctuary, а целта на играта е, со ликот кој играчот ќе го одбере, да го спаси Кралството од Diablo, Lord of Terror;
– Почетокот на патувањето ликот го започнува под градот Tristam и поминувајќи ги 16-те нивоа, доаѓа до Пеколот (Hell) каде се соочува со самиот Diablo;
– Во 1997 година излезе експанзија на Диабло, наречена Diablo: Hellfire, која за разлика од сите останати делови, не е издадена од Blizzard Entertainment;
– Во првиот дел креаторите на играта ги запознаа фановите со трите класи ликови: Warrior, Rogue и Sorcerer, a во експанзијата од 1997 година беше додаден Monk-от;
– Во 2000 година дојде времето на Диабло 2, а играчите можеа да бираат помеѓу класите ликови: Amazon, Necromancer, Barbarian, Sorceress и Paladin;
– Во 2001 година, во склоп на експанзијата Diablo2:Lord of Destruction, додадени се две дополнителни класи ликови – Druid и Assassin;
– Диабло 3, го запознава играчот со следните класи ликови: Witch Doctor, Demon Hunter, Barbarian, Wizard и Monk од кои само Barbarian-от е пренесен од претходните делови;

Запознајте се со концептот и светот на Diablo III преку овој видео клип:

Некои од позадините за PC кои се нудат на официјалната страница на Диабло:

Diablo III низ слики:

Освен основната верзија на играта, на пазарот се нуди и т.н. Collector’s edition, која освен софтвер во пакувањето нуди бројни бенефиции за ликот на играчот, дизајнирано УСБ, збирка оригинални цртежи од почетните обиди до финалните 3Д рендери и soundtrack-от од Диабло.

Данската компанија Steel Series, во знак на Диабло создаде линија производи – слушалки, мауси и неколку дизајни на маус-падови, додека компанијата Jinx дизајнот на Диабло го пренесе и врз парчиња облека. Погледајте дел од тоа: