Рекламните постери на Coca – Cola низ времето

Мега популарниот безалкохолен пијалок во светот, во самиот почеток на своето постоење бил наменет како лек, но потоа бизнисменот Аса Григс Кендлер, со помош на маркетинг тактики ја донел до она што е денес. Клучните состојки на Coca-Cola, во нејзините почетоци, биле кокаинот (бензоилметил екгонин-кој се добива од листови кока) и кофеин (кој се добива од кола ореви), па оттаму доаѓа и името („К“ од кола се заменува со “C” поради маркетиншки цели).

Покрај вкусовите кои ние ги познаваме, на светскиот пазар се наоѓаат и следниве: безкофеинска Coca-Cola, Coca-Cola со цреши, Coca-Cola зиро, Coca-Cola ванила, и специјални изданија на Coca-Cola со жолт лимон, зелен лимон и кафе.

Името и ракописот на Coca-Cola кои ни се многу добро познати, се создадени од Френк Масон Робинсон во 1885та година. Станува збор за ракописот Spenserian Script кој бил создаден кон средината на XIX век. Освен тоа, Робинсон има значителна улога во почетното промовирање и рекламирање на овој пијалок.

Во Македонија, производител на Coca-Cola е Скопска пивара која е дел од Хеленик групацијата присутна во 28 земји. Во 2009та година Македонската Coca-Cola е прогласена за најдобра во целиот свет за 2008ма година, во конкуренција на 800 фабрики од 178 земји каде се произведува истата.

Во продолжение, погледнете дел од рекламните постери кои датираат од 1885та година па до ден денес.