ЧАЈ – Божествена напивка

Од будистичките монаси кои грижливо го употребувале при нивните религиозни обреди, па сè до американските револуционери кои го фрлале во Бостон Харбор, чајот прераснал во нешто повеќе од еден обичен пијалок. Во изминатите 5000 години е користен во медицината, при медитација, а и од целото општество. Секоја врста на чај еволуирала низ вековите, а за потеклото на првиот чај се врзани многу митови. Со оглед на тоа што чајот е од автохтоно потекло и од Индија и од Кина, и двете култури тврдат дека чајтот е измислен токму од нивна страна. Според кинеската легенда, чајот бил сосема случајно измислен од царот Шен Нонг кој, додека си ја подготвувал зовриената вода, ветер депонирал неколку листови во казанот. Аромата која почнала да се шири го завела царот и откако ја испил содржината се чувствувал подмладено. Да се одреди вистинското потекло на чајот е многу тешко.

Чајот е симбол на здрав начин на живот и мир. Несомнено, чашата чај и денес ги сплотува и ги зближува луѓето. Еве неколку најпознати водиви на чаеви:

Белиот чај е најчистиот и најмалку преработуваниот од сите чаеви. Ослободува светла боја и има лесен вкус. Белиот чај содржи здрави антиоксиданси и е најдобар за кожата и тенот.

Зелениот чај е можеби најпопуларниот вид на чај во светот. Некои видови зелени чаеви се со цветни или овошни ароми. Содржи од 5-10% кофеин по филџан. Зелениот чај помага во оджувањето на нивото на холестеролот, добар е за кожата и забите, а може да се користи и за одржување на нивото на шеќерот во крвта.

Црниот чај содржи кофеин и често пати е употребуван наместо кафето поради неговата нутриционистичка вредност.

Автор: Willa

Сакате да објавите статија на iLike.mk? Пишете ни на contact@ilike.mk.

Станете наш facebook фан.