Новогодишните и Божиќните празници се период кога речиси секоја трпеза е полна со најразлични јадења и десерти. Никој од нас не може да им одолее на руската салата, кифличките и убавите колачиња, па затоа многу често претеруваме со јадењето. Следниве неколку трикови ќе помогнат полесно и побрзо да помине чувството кое се појавува како резултат на прејадување.
ШЕТАЈТЕ
Кратката прошетка, околу половина час, после оброк ќе би помогне да се ослободите од гасови во стомакот. Одењето го ослободува притисокот во цревата, со што се намалува непријатното чувство на подуеност. Освен тоа, одењето ја забрзува циркулацијата која го подобрува варењето на храната, а свежиот воздух ќе ви помогне да се чувствувате подобро.
АНАНАС ИЛИ ЈОГУРТ
Половина час по јадењето, изедете малку ананас или напијте се чаша јогурт. Ананасот и јогуртот го подобруваат варењето на храната. На пример, ананасот содржи голема количина ензим бромелаин, кој ја вари храната со тоа што ги разложува протеините.
ЗЕЛЕН ЧАЈ
Пиењето зелен чај за време или после јадење ќе му помогне на телото да се ослободи од акумулираните масти и холестерол. Медицинските придобивки од зелениот чај лежат во неговите полифеноли или растителни антиоксиданси кои учествуваат во разградувањето на мастите и притоа го намалуваат нивото на холестерол во крвта.
НЕ ЛЕГНУВАЈТЕ
После обилниот оброк сигурно ќе паднете во искушение да легнете, но не правете го тоа. Почекајте барем три часа после оброкот, бидејќи во спротивно ќе се појават киселини во желудникот како резултат на работата на дигестивните сокови.
Станете наш facebook фан. Ви Благодариме!