Во време кога Шпанија се соочува со сериозна економска криза, Амансио Ортега (Amancio Ortega Gaona), основачот на шпанската модна куќа “Индитекс” стана најбогатиот човек во Европа.
Богатството на 70-годишниот Ортега под чија закрила се модните брендови Зара, Масимо Дути, Бершка и Страдивариус достигна вредност од 39,5 милијарди долари, известува францискиот весник “Фигаро”.
Богатството на Ортега се зголеми откако акциите на “Индитекс” забележаа раст од 12,1% и достигнаа вредност од 75 евра.
Шпанскиот бизнисмен успеа да му го одземе пиедесталот на досегашниот најбогат европеец, Ингвар Кампрада од Шведска. Ингвар е сопственик на “Икеа”, a неговото богатство се проценува на 37,2 милијарди долари.
Истовремено, Ортега стана и четвртиот најбогат човек во светот, веднаш зад Карлос Слим, Бил Гејтс и Ворен Бафет.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!