Влатко Илиевски стана заштитно лице на CALVIN KLEIN за Македонија

Од саботата популарниот македонски пејач и актер Влатко Илиевски е во друштво на светските ѕвезди Кејт Мос, Ева Мендез, Скарлет Јохансон, Зои Салдана кои се заштитни лица на брендот Calvin Klein (Келвин Клајн). Лежерната и софистицирана појава на Влатко, според ексклузивниот застапник за накитот и часовниците Calvin Klein во Македонија – компанијата “Божиновски”, совршено се вклопува во она што го претставува овој бренд во глобални рамки, па токму затоа тој беше избран за прво заштитно лице на Calvin Klein за Македонија.

Атрактивниот манекен кој беше единствениот маж во шоуто насловено “Страста со Calvin Klein е романса што трае цел живот” го претставуваше самиот Calvin Klein кој ги заведе седумте женски музи со врвниот дизајн на неговите најнови модели на часовници и накит. Несекојдневниот перформанс кој беше проследен со гласот на Влатко Илиевски во позадина, предизвика голем интерес кај посетителите на годинешниов “Саем на жената” што се одржа во Метрополис Арена во Скопје.

“Чест е да се биде првото заштитно лице за Македонија на еден ваков, планетарано познат, ултра моќен моден бренд. Ретко кој може да остане рамнодушен на префинетите линии на накитот и часовниците Calvin Klein. На мое задоволство тие од сега ќе бидат дел од моето секојдневие и мојот имиџ.” – изјави Влатко Илиевски.

iLike.mk ја поддржува македонската музичка сцена и дава несебичен придонес кон промивирање на истата. Вашите новитети (песни, спотови, фотографии, најави за концерти и сл.) ги очекуваме на contact@ilike.mk.

Станете наш facebook фан.