ТАА е манекенка, модел, поранешен презентер на метео, а сега водителка на еден од најгледаните дневни забавни емисии кај нас.
“Како манекенка почнав да работам многу случајно. И можам да кажам дека не ми беше воопшто лесно со оглед на тоа што имав само 17 години, а требаше цело време да носам високи потпетици. Многу повеќе се пронајдов како модел и снимав реклами.
Како презентер на временска прогноза почнав да работам по препорака на Дадар и Живкица Ѓурчиновска, коишто ме предложиле како соодветно лице за таа работа кај тогашната програмска директорка на Канал 5 телевизија, Весна Петрушевска – Бејби. И така започнаа моите први телевизиски денови…“, се сеќава Ведрана.
Веќе некое време ТАА е дел од семејството на Томато продукција и работи како ко – водителка на емисиите “Тротоар Њуз” и “Тротоар Шоу”.
– “Па, “главни виновници” за тоа се Бане и Ирена Поповиќ, сопствениците на Томато, со кои се договорив за работа и веќе успешно функционирам веќе пет месеци како дел од ова семејство. Пресудно да ја прифатам работата ми беше тоа што ми беше предизвик да работам во ваква емисија, која е многу поразлична од она што го работев претходно, а плус е што работам со одлична екипа“.
“Тротоар Њуз” е подинамична емисија со кратки прилози, а “Тротоар шоу” е ток – шоу со гости и интервјуа.
– “Едната е повеќе на терен и е креативна, а другата е истражувачка, но не би ги двоела, подеднакво си ги сакам“.
Какво е чувството да си единствената девојка во круг на толку згодни момци?
– “ОДЛИЧНО! Јас, во принцип, цел живот се дружам повеќе со машкиот пол, полесна ми е комуникацијата со нив, не знам зошто, ха, ха. Но во секој случај, мислам дека и сама да смислував со каков тим сакам да работам, не би направила ваков одличен спој на луѓе и енергии. Секој работен ден е различен. Јас сум константно на секој “Тротоар Њуз” и “Тротоар лејт најт шоу”, а момците се менуваат во зависност од тоа како ќе се договориме. Тимска работа“.
Голем дел од својот работен ден Ведрана го поминува во друштво на своите колеги Марко, Диме и Дамјан? Со кого се согласува најдобро, кој е најзабавен, кој знае да ја извади од кожа…?
– “Сите имаат различна енергија и на свој начин се најдобри во она што го работат. Марче е човекот што секогаш знае да ме насмее, Диме да ми пренесе позитивна енергија, а Дамјан е тука за совет. Со еден збор, сите си ги сакам, па нели сме сесмејство? Се дружиме и приватно да, но не сите четворица заедно, туку се мешаме, двајца по двајца, за да можеме да дојдеме на ред за зборување“.
Што ти е преокупација освен телевизијата?
– “Искрено, немам многу слободно време, ама кога го имам одам на зумба, на салса, на пливање, сакам пинг – понг и куглање, а и обожавам да си уживам со пријателите“.
До каде си со студиите? Кој е спојот меѓу одбраната и безбедноста со телевизијата?
– “Трета година сум. Малку паузирав и оваа година се вратив за да ги дозавршам. Јас сум студент на Институтот за безбедност, одбрана и мир, и верувај немаат ама баш никаква поврзаност со телевизијата“.
Знаеш ли да готвиш? Сакаш да се “плеткаш” во кујната?
– “Обожавам да готвам и одлично го правам тоа, ама многу ретко“.
Кога ти доаѓа момчето на романтична вечера, што му готвиш?
“За момчето на романтична вечера се нарачува храна, а ти се правиш дека ништо не знаеш, ха, ха“.
Кога би морала да запееш, која песна би ја испеала или со кого би пеела во дует?
– “Не треба да “морам”, јас сакам да пеам, тоа ме релаксира. А би ја пеела “Ах каде е мојто либе”, со мојот омилен пејац на народна музика Миле Кузмановски“.
Што ти го крева адреналинот?
– “Јас сум зависник од адреналин, сакам падобрани, параглајдери, брзо возење…“.
Што би побарала од златната рипка?
– “Само здравје и една картичка без лимит, ха, ха, ха…”.
Целото интервју можете да го прочитате во печатеното издание на ТАА.
Станете наш facebook фан.
Станете наш facebook фан. Ви Благодариме!