ФОТО: Тони Зен сними видео клип за “ТРИ”

„Ја имам три! Задоволен стално си ако имаш три. Секоја со свои фантазии. Сите ќе те сакаат ако бидеш фин. Цел свет е твој кога имаш три“- ова е познатиот рефрен од песната „Три“ на Тони Зен, за која деновиве беше снимено и видео издание кое, како што најавуваат од неговата матична куќа „Симплисити Продукција“, ќе биде најскапиот и еден од најдобрите спотови снимени до сега кај нас.

„Прекрасно беше чувството истовремено да се слуша звукот на ферари и работењето на моторот на авион. Не сум љубител на брзи и скапи автомобили, но сепак ќе речам – ферари си е ферари. Презадоволен сум од тоа што целата екипа, иако непрекинато работеше цели два дена, сепак го даде својот максимум и едвај чекам да го видам новото видео издание.“ – изјави Тони Зен.

Песната „Три“ која е авторско дело на Бертан Аслани се наоѓа на последниот албум на Тони „Тони Зен е… Суперзен“, а текстот за неа го напиша самиот тој. Во видео записот, според самите стихови, три исклучително атрактивни и секси девојки се грижат за Тони, од кои едната го учи, другата го негува, а третата го служи во авион.
Видео изданието за „Три“ кое наскоро ќе биде промовирано во медиумите, го работеше БМА продукција и режисерот Мерт Аслани.