Рики Мартин: “Љубовта не познава пол, боја, вероисповед…”

Популарниот 40-годишен пејач Рики Мартин, кој пред две години обелодени дека е хомосексуалец, неодамна изјави дека отсекогаш бил скептичен околу тоа како луѓето ќе ја прифатат неговата сексуална ориентација. Но, додаде и дека моментот кога ја соопштил тајната за неговата сексуалност е еден од најсреќните во неговиот живот, пред сè поради тоа што се почувствувал бескрајно искрен кон себе.

“Поминав многу години живеејќи во страв и се мрзев себе си. Растев слушајќи приказни од типот – ти си геј и ќе завршиш во пекол… Сега само сакам да ги охрабрам сите луѓе кои се борат со овој проблем и го потиснуваат длабоко во себе. Љубовта е љубов и не познава пол, боја на кожа, вероисповед,…” – рече Рики Мартин на Конференцијата на ОН за хомофобијата.

Рики во моментов е во врска со Карлос Гонзалес Абел, но признава дека бил вљубен и во жена и оти не се кае за ниту едно свое љубовно искуство.

“Спиев со жени и бев искрено вљубен во нив. Беше тоа љубов и страст. Не жалам за ништо, бидејќи секоја врска ме научи на нешто ново, било да е во прашање маж или жена.” – вели Рики Мартин.

Кликнете ТУКА за да ги погледнете нашите денешни содржини.

Станете наш facebook фан.