Нова македонска балетска ѕвезда: МАРКО МИЦОВ

Марко Мицов, новата македонска балетска ѕвезда, на 03.12.2011 година го имаше својот прв настап во водечката улога на Принцот во балетот “Оревокршачка” во Мистик трупата во Њујорк, САД каде моментално е ангажиран. Мицов е уште една успешна приказна, своето балетско образование го доби во Македонија во ДМБУЦ “Илија Николовски – Луј” во класата на проф. Соња Здравкова – Џепароска. По завршување на образованието доби стипндија за доусовршување во САД.

Оттука почна неговиот подем каде од септември до сега успеа да ги мине сите скалила во хиерархијата на еден ансамбл од толкувач на соло парчиња во класичниот и современиот репертоар, па се до првата главна ролја со само деветнаесет години. Ова беше исклучителен момент не само за Мицов, туку и за целокупната македонска културна средина како потврда за дострелите на македонскиот балет т.е. балетска школа и како индивидуален начин да се допринесе во промовирање на националниот идентитет (покрај името на Марко Мицов во сите програми и материјали кон претставите стои уставното име на Македонија).