Впечатливи парчиња облека со 3D ефект

Деновиве светските портали за мода и модните блогови се преплавени со фотографии од креациите на Ноа Равив од Тел Авив, Израел.

Најновата колекција на оваа млада дизајнерка е навистина впечатлива и уникатна. Парчињата облека се инспирирани од старата Грчка архитектура, но збогатени со 3D елементи.

Ноа вели:

Во мојата колекција се чувствува тензичност и неизвесност. Парчињата облека се движат меѓу реалниот, но и еден имагинарен свет. Ова се должи на геометриските форми и играта со линии.

Воедно, оваа колекција е дипломски труд на талентираната модна дизајнерка Ноа.